Kmukum 14:4 - Udél Dwata: Gna Kesfasad ne Lomi Kesfasad

⁴ Là kô tngón kem tuha Samsun du ke lemwót bè Dwata yóm nmò Samsun yó mò lan Dwata sembeweg yó kem tau Flistin. Bè yóm kdaw yó, tolo le gnô lem tdok kem Flistin he yó kem tau Israél.

Kmukum 14:4 Iomraidhean Croise

1 Bok Kem Tau Hol Geta 12:15

Yóm nmoen yó, deng kun kmò du Dwata, gónón dohò yóm deng mon Dwata mò ke Jirubuam ngà Nibat hlanen bè Ahidya yóm tugod Dwata lemwót bè Silu. Ni se but gónó Rihubuam là kemmón kul yó kem tau.

1 Bok Kem Tau Hol Geta 12:24

monem mò kul, “Ni se udél Dwata, ‘Béem abay tô nundug yóm hol kuy dumu setwoli kem tau Israél. Mulék ye ne. Yóm deng keskó le bélê ye deng dou kóyô kmò du.’ ” Tahu se, nimón le yóm mon Dwata mò kul, ne gotu le mulék.

2 Bok Kem Tau Hol Geta 6:33

Yóm igò Ilaysa tolo stulón kul, sut se yóm tau hol geta. Yó monen mò ke Ilaysa, “Nim hlayam nô ta tekuy ni, kaem lemwót bè Dwata. Moen se ke tô nangatu yóm tóbóng lemwót gu bè Dwata?”

2 Tutul Israél 10:15

Duhen yó là kô dog hnungol Rihubuam kul yó kem tau. Yóm nmoen yó, deng kun kmò du Dwata, gónón dohò yóm deng htugod Dwata ke Ahidya yóm tugod Dwata lemwót bè Silu, gbak ebè Rihubuam ngà Nibat.

2 Tutul Israél 22:7

Okóm yóm kauyen du yó, deng kun kmò du Dwata mò gónón gemlà ke Ahasaya. Abay se yóm kkólen bè yó, mung ke Juram na le e senlong Jihu ngà Nimsi, igoen Jihu yóm deng nélék Dwata mò gemlà yó kem ktol Ahab.

2 Tutul Israél 25:20

Okóm là kô hnungol Amasaya du, abay se deng kun kmò du Dwata mò gónón gemlà du bè yóm ktabahen ebè yó kem dwata bè Idom.

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Danyél 6:4

Bè nim ni, deng mom nélés nawa le Danyél yó kem dumuhen hmalak ne yó kem gubérnor. Yó nmò le, mebel le lan mò lewót gónó le dmuón du. Okóm laen kô dù ton le sidek nmoen, abay se tey teneb ne tey gulit, balù udì ke wen tô gónón salà yó kem gel nmoen.

Dwata 28:48

Ne yó gónóm mon, angat ye nô lem hólól yó kem hohon hwit Dwata ebélê ye. Laen kô dù bud ken ye ne laen kô dù bud ninum ye ne laen se dù bud nes ye. Angat lus Dwata yó kem hohon ye mò hemsidek kuy efet ye gotu meglà.

Kmukum 13:1

Timbow bud nmò yó kem tau Israél yóm kenbê Dwata bélê le yóm sana Dwata hol kul gónó mogot, yó gónóhen hemlus kul elem hólól yó kem tau Flistin ne botong fat folò halay le kegen le nô lem hólól le.

Kmukum 14:5

Kewót le Samsun ne yó kem tuhahen mosol le ebè Timna. Bè yóm igò le moni bè yóm gónó le gel mulu grép yó kem tau bè Timna, gungol Samsun yóm tey ngel liyun tô demlu du.

Kmukum 15:11

Duhen yó, botong tlu libu kwen le yó kem tau lemwót bè Juda mógów ebè Samsun ditu bè léhék Itam ne mon le mò du, “Ilóem là tngónem du kô yóm knô tekuy lem hólól yó kem Flistin? Tedum nmoem bélê me ni du?” Mon Samsun se, “Nmou bélê le yóm deng nmò le béléu.”

Kmukum 15:3

Mon Samsun, “Yó ne. Hol bê ye abay nsel ou ke wen nmou bè yó kem tau Flistin.”