Kmukum 14:3 - Udél Dwata: Gna Kesfasad ne Lomi Kesfasad

³ Okóm tey kekbê le du le maen ne yéen, mon le mò du, “Moen du ke ditu gónóm mebel yehen bè yó kem Flistin là temngón ke Dwata? Ilóem laen dù tonem libun bè ni kô bè kut kwen duhen ke bè yó kem dumu tau Israél?” Okóm yó mon Samsun mò ke maen, “Du yóm nóyóu mò yehenu. Nwa ye dou.”

Kmukum 14:3 Iomraidhean Croise

Tekang Kbuten 13:8

Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Tekang Kbuten 21:27

Ominen yó, wen kem ubiha ne kem safì blay Abraham ke Abimélék, mò hemblat du yóm deng kesfasad le.

Tekang Kbuten 34:14

Yó mon le mò kul le Sékém, “Là gbek me du ke tô hyehen me yóm kum libun bè yóm logi là tnulien. Ke yó nmò me, hol kenyak bong bélê me.

2 Samwél 1:20

Hol bê ye abay tulón bè yó kem hohon tekuy ditu bè benwu Gat, ne hol bê ye tulón bè syudad Askilun. Ke tulón ye bè yó, gotu le hligal yó kem libun Flistin. Gotu le hligal yó kem libun là hemtahu le bè Dwata.

Juswa 23:12

Okóm ke knogol ye Dwata ne gmung ye bè yó kem tólóng tau dù tebel ta nim tonok ni ne ke myehen ye bélê le,

Kmukum 14:2

Bè yóm kuléken ebè gónóen tulónen ke maen ne yéen, monen mò kul, “Wen libun Flistin tonu bè Timna. Nwa ye do mò yehenu.”

Kmukum 15:18

Tódô gefet bè Samsun yóm tey sidek kleengen, ominen tmaba ebè Dwata, monen, “Ó Dwata, deng tey kehegmoem do, okóm ni denge tô matay lemwót bè ksidek kleengu ne angat kenfô le o ni kem Flistin là temngón kóm nii.”

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”

1 Samwél 17:26

Omin Dabid mudél ebè yó kem tau mdà klohoken, monen mò kul, “Tedu se ofolen yóm tau gemhatay du yóm Flistin yóó ne ke kóhen bélê tekuy kem tau Israél yóm gónó tekuy myak nii? Tmau du se nim Flistin là hemtahu bè Dwata nii, tô nwiten sfatay yó kem sendalù yóm Dwata là matayen?”

1 Samwél 17:36

Ni se deng nmou bè yó kem liyun ne bè yó kem bér ne ni se bud nmou bè yóm Flistin là temngón ke Dwata yóó, yakà deng nbóten kul sfatay yó kem kun sendalù yóm Dwata là matayen.

1 Samwél 31:4

Yó udélen ebè yóm tau gel mit klungen, monen, “Dilotem sudengem, tnibóhem ou anì mataye. Là hyuhen ke yó kem tau là temngón ke Dwata yóó yóm hmatay dou, déke hennê le ou.” Okóm là kóen móyô yóm tau gel mit klungen yó, likò mò du. Yó gónó Sol tódô dmilot yóm sudengen ne tódô hneeben.