Kmukum 14:16 - Udél Dwata: Gna Kesfasad ne Lomi Kesfasad

¹⁶ Tahu se, stulón ke Samsun yehenen mung du kiken, monen, “Là kô dog kenbong nawahem do, mom knutó nawahem ou. Deng wen ngedem yó kem weem, là sem dog tulónem du do lanen.” Mon Samsun se, “Tenngelem dé, sélét mom u ne gónóhu tmulón du anì sem le mà du ne yê, là kô tulónu du kul.”

Kmukum 14:16 Iomraidhean Croise

Tekang Kbuten 2:24

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Kmukum 14:17

Tódô ket kdaw yehen Samsun mkik béléen lem yóm hitu kdaw le mò ken. Timbow kól bè ghituhen kdaw, tódô tulón Samsun du lan yóm ngeden abay se tódô senflós yehenen mubug smólók du. Omin yehenen gotu bud tmulón du bè yó kem Flistin.

Kmukum 16:15

Bud mon Dilayla mò du, “Igoem sem mon du mò do du bong nawahem do, moen du ke tolo wen bunihem béléu? Deng tlu dulékem ni ne hmowon dou. Là kô tulónem du dou yóm gónón lemwót kgisem.”

Kmukum 16:16

Tódô ket kdaw Dilayla mubug ke Samsun, là kóen tmakas. Efet tódô tmakas Samsun là bud gbalahen du yóm tendo kubug Dilayla du.