Kmukum 13:8 - Udél Dwata: Gna Kesfasad ne Lomi Kesfasad

⁸ Omin Manu mni bè Dwata, monen, “Ó Dwata, hol bud hógówem ebélê me yóm tau deng hógówem yó koni anì tulónen kum angat kmò me du yóm ngà ke sok sut.”

Kmukum 13:8 Iomraidhean Croise

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Kmukum 13:11

Tódô mung ke tuha libunen Manu, mógów le ebè yóm tau yó ne mon Manu mò du, “Uu kô yóm tau tehe stulón ke tuha libunu yu?” “Ou se,” mon yóm tau yó.

Kmukum 13:3

Sotu kdaw wen hógów Dwata gu bè longit sut bè yóm libun yó ne monen mò du, “Balù yóm katilem, okóm angati mlutut ne mngai logi.

Kmukum 13:6

Ominen lemwót yóm libun yó nan e tnulón tuha logihen, monen, “Wen tau Dwata gu béléu, hol lómón kmoen lómón ke hógów Dwata gu bè longit, ya tey sidek klikou. Là kóe mlos smólók du gónón gu lemwót, ne là se tulónen du dou boluyen.

Kmukum 13:7

Okóm yó tulónen do, angate tódô mlutut ne mngae logi. Ne yó bud udélen ebéléu, monen mò do, ‘Béem abay minum yóm tifas grép ne yó kem dumu ninum lemengel, ne béem abay ken yó kem là hken Dwata du kóm abay se yóm ngà sut yó, angat hetfing ye ebè Dwata mò tau Nasarit lemwót bè yóm kdaw ksuten efet kól bè yóm kdaw katayen.’ ”

Kmukum 13:9

Tahu se, bnalà Dwata yóm hni Manu yó, tódô bud sut bè yehen Manu yóm hógów Dwata gu bè longit bè yóm igoen tolo myón bè uma le. Okóm ke Manu kun, yóm tuha logihen là nóen bè yó.