Kmukum 13:6 - Udél Dwata: Gna Kesfasad ne Lomi Kesfasad

⁶ Ominen lemwót yóm libun yó nan e tnulón tuha logihen, monen, “Wen tau Dwata gu béléu, hol lómón kmoen lómón ke hógów Dwata gu bè longit, ya tey sidek klikou. Là kóe mlos smólók du gónón gu lemwót, ne là se tulónen du dou boluyen.

Kmukum 13:6 Iomraidhean Croise

Tekang Kbuten 18:2

Ne yó nmoen, temngel ebè lewà, tódô wen tonen tlu kem tau mdà bè yó. Bè yóm ktonen kul, tódô kendel mdà ne hetlasik mógów ebélê le ne tódô hegdufok ebè tonok bè solu le.

Tekang Kbuten 32:29

Mon Jakub se mò du, “Tulónem dou se kóm boluy.” Okóm mom yó balaen du yóm tau yó, monen, “Béem abay snólók boluyu.” Ominen yó wen oluhen ke Jakub.

1 Bok Kem Tau Hol Geta 17:18

Ominen mon du mò ke Ilaydya yóm libun bolu, “Ó tau Dwata, tedu nmoem béléu ni? Yó kô nógówem edini anì tnafakem o bè yó kem salau, hlanem bè katay yóm ngau?”

1 Bok Kem Tau Hol Geta 17:24

Yó monen mò ke Ilaydya yóm libun bolu yó, “Ni deng tngónu ne, uu se yóm hol tahu tau Dwata, ne Dwata se yóm deng tahu mudél hlanen béléem.”

2 Bok Kem Tau Hol Geta 4:16

Ne yó mon Ilaysa mò du, “Lómón ni kdaw halay hulin, angati smiwi ngà logi.” Tey ketnga yóm libun yó, monen, “Là, Sér. Béem abay tnulón o kéng, tau Dwata.”

2 Bok Kem Tau Hol Geta 4:9

Sotu kdaw, yó mon yóm boi yó mò ke yehenen, “Tódô tngónu nim tau tendo slob bélê te ni, du se tau Dwata laen dù belenen.

Kehewà 3:2

Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Danyél 10:11

Yó udélen ebéléu yóm tau yó, monen, “Ó Danyél, yóm tau alì kenbong nawa Dwata, hol hentilobem hemklingu du ni kem tulónu kóm ni. Mdai ne, abay se wen hógów dou ebéléem.” Yóm kmonen du mò do yóm yó, tódóe mdà igoen tolo setbol kkelu.

Danyél 10:5

Bè yóm igou temngel tódô tonu yóm tau mnes bukay, hmilet tahu blówón.

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Kun Snulat Luk 1:19

Ne bud mudél ebéléen yóm hógów Dwata, monen, “Ou se Gabrél. Gele mdà bè solu Dwata ne du yóm hógów do mò na a tmulón du kóm nim Tulón Hyu ni.

Kun Snulat Luk 9:29

Yóm igò Jisas tolo mni, tódô sfili kton le lem uyóhen, dalang se yóm nesen, gotu tódô sminang bukay.

Kul Nmò 6:15

Yóm igò le alì tmifù kéng ni kem tau dmelem ni, là kô kó mata le ke Stéfén yó kem tau mogot kukum seyón bè yó. Tódô ton le yóm tey klayag gu lem uyóhen, hol lómón ke uyó yóm hógów Dwata gu bè longit.

Dwata 33:1

Ni se yó kem udél Musis yóm tau Dwata, bè yóm kuyagen yó kem tau Israél gu laanen là deng matay, yó monen,

1 Timuti 6:11

Okóm kóm, Timuti, uu se tau Dwata, holi hlayuk du kóm ni kem ni. Hol sen-galuhem yóm nawa btol, yóm nawa gulit, nawa hulung hbala, nawa ganag. Hol naluhem ketnù yóm kehtahuhem bè Dwata ne yóm kbong nawahem kem dumuhem.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Kmukum 13:10

Tódô kendel mlóy ebè tuha logihen tulónen du, monen, “Ngem, deng bud sut béléu yóm tau tehe sut béléu yóm sotu kdaw yu.”

Kmukum 13:22

Yó mon Manu mò ke yehenen, “Bang katay te ni abay se deng ton te Dwata.”

Kmukum 13:3

Sotu kdaw wen hógów Dwata gu bè longit sut bè yóm libun yó ne monen mò du, “Balù yóm katilem, okóm angati mlutut ne mngai logi.

Kmukum 13:7

Okóm yó tulónen do, angate tódô mlutut ne mngae logi. Ne yó bud udélen ebéléu, monen mò do, ‘Béem abay minum yóm tifas grép ne yó kem dumu ninum lemengel, ne béem abay ken yó kem là hken Dwata du kóm abay se yóm ngà sut yó, angat hetfing ye ebè Dwata mò tau Nasarit lemwót bè yóm kdaw ksuten efet kól bè yóm kdaw katayen.’ ”

Kmukum 13:8

Omin Manu mni bè Dwata, monen, “Ó Dwata, hol bud hógówem ebélê me yóm tau deng hógówem yó koni anì tulónen kum angat kmò me du yóm ngà ke sok sut.”

Kmukum 6:11

Sotu kdaw bè yó, wen hógów Dwata gu bè longit sut bè yóm benwu boluyen Ufra, myón laan yóm koyu boluyen ok nfun Juas yóm tau lemwót bè tbong yóm tehe Abisér. Nim Juas ni, wen ngaen logi boluyen Gidyun tolo hebnos kmusu bè yóm gónó le gel kemmes él grép anì là ton le du yó kem tau Midyan yóm kkusuhen.

1 Samwél 2:27

Sotu kdaw, wen tau Dwata sut bè Ili ne tulónen du yóm udél Dwata ebéléen, monen, “Bè yóm tehe keghesek yóm fuem Aron bè yóm tau hol geta bè Idyip, dalang se yó kem fes lówóhen, tehehe hegfan bélê le.

1 Samwél 9:6

Okóm yó balaen du yóm tóbóng lówóhen yó, monen, “Tagad he. Bè nim benwu ni wen sotu tau Dwata menwu bè ni. Tey kadat le du yó kem tau abay se kdê yó kem gel eles tulónen sal dohò. Mógów te etu béléen, déke angat tulónen kut gónó le nô yó kem kudà asnu hnebel te.”