Kmukum 13:5 - Udél Dwata: Gna Kesfasad ne Lomi Kesfasad

⁵ Angati mlutut ne mngai logi, hol béem abay kenleng weken abay se tódô lemwót bè ksuten kehetfingem du ebè Dwata mò tau Nasarit. Du mò angat mbut du yóm kegewà yó kem tau Israél gu lem hólól yó kem tau Flistin.”

Kmukum 13:5 Iomraidhean Croise

Amus 2:11

Wen bè yó kem ngà ye logi néléku mò baling tugodu ne wen se bè yó kem lomi lemnok bélê le néléku nmou tau Nasirit. Ó kem tau Israél, tahu kô nim monu ni?” mon Dwata.

Kun Snulat Luk 1:15

Yóm ngaem yó, angat tey kegetahen bè solu Dwata. Ne là kóen hyu kinumen yó kem ninum lemengel. Tódô lemwót bè ksuten yóm tendo ktolunen béléen yóm Tulus Dwata.

Kmukum 16:17

Efet tódô tulónen du yóm ktahuhen, monen, “Lemwót bè yóm tehe ksutu efet nim kmoen ni là kô deng wen kemleng du he nim weku, abay se deng hetfing le o ebè Dwata mò tau Nasarit. Ke kenleng le nim weku ni tódô monol yóm kgisu, lómón kgis yó kem dumu tau.”

1 Samwél 1:11

Wen fasad mget nmoen bè Dwata, monen, “Ó Dwata yóm Dwata laen dù là gbeken du, hol tenngelem o yóm sotu tóbóng lówóhem. Hol tenngelem yóm gónón sidek kegnómu du. Ke hentulónem o nawa ne ke bnalaem yóm hnihu ne ke hngaem o logi, wen fasadu kóm. Bud blayu kóm yóm ngà yó bè yóm klawihen mowil ne là kô gel kenleng du weken mò ilô yóm deng kehetfing du ebéléem.”

1 Samwél 7:13

Yó gónóm mon, là kô le bud gemmò yó kem Flistin ne là bud le mundug ebè benwu yó kem tau Israél. Yóm klawi Samwél mowil tendo wen lan Dwata hemseng kul yó kem Flistin.