Kmukum 13:3 - Udél Dwata: Gna Kesfasad ne Lomi Kesfasad

³ Sotu kdaw wen hógów Dwata gu bè longit sut bè yóm libun yó ne monen mò du, “Balù yóm katilem, okóm angati mlutut ne mngai logi.

Kmukum 13:3 Iomraidhean Croise

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 18:10

Sotu bélê le mudél, monen mò ke Abraham, “Bè halay hulihen he, bud kesfuléku edini ne deng mngà logi yóm yehenem Sara.” Okóm ke Sara kun, nô tekwang yóm tau mudél yó seblà bè bak dól le, hnilungen yóm kestulón le.

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

2 Bok Kem Tau Hol Geta 4:16

Ne yó mon Ilaysa mò du, “Lómón ni kdaw halay hulin, angati smiwi ngà logi.” Tey ketnga yóm libun yó, monen, “Là, Sér. Béem abay tnulón o kéng, tau Dwata.”

Kun Snulat Luk 1:11

Yóm igò Sekariya tolo mtem du, tódô wen hegfan béléen lem tum dfél, anì monem hógów Dwata gu bè longit. Tódô tonen mdà bè kwanan yóm lemisa gónó le gel mtem yóm hboo le ebè Dwata.

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Kmukum 13:10

Tódô kendel mlóy ebè tuha logihen tulónen du, monen, “Ngem, deng bud sut béléu yóm tau tehe sut béléu yóm sotu kdaw yu.”

Kmukum 13:15

Là kô tngón Manu du ke hógów Dwata gu bè longit yóm dumun stulón yó, yó monen mò du, “Nam na nô bè ni he, na me tmétê béléem ngà kambing.” Mon yó sem hógów Dwata yó, “Yó sen, naw na nô bè ni okóm là kô kenu du yóm tô hkenem do yó. Okóm ke hol henkenem se o, yake tódô hkekebem ne mò dsuem ebè Dwata.”

Kmukum 13:6

Ominen lemwót yóm libun yó nan e tnulón tuha logihen, monen, “Wen tau Dwata gu béléu, hol lómón kmoen lómón ke hógów Dwata gu bè longit, ya tey sidek klikou. Là kóe mlos smólók du gónón gu lemwót, ne là se tulónen du dou boluyen.

Kmukum 13:8

Omin Manu mni bè Dwata, monen, “Ó Dwata, hol bud hógówem ebélê me yóm tau deng hógówem yó koni anì tulónen kum angat kmò me du yóm ngà ke sok sut.”

Kmukum 2:1

Wen hógów Dwata gu bè longit lemwót bè Gilgal mógów etu bè Bukim. Yóm kkólen ditu, yó udélen ebè yó kem tau Israél, monen, “Deng hewau yu gu bè Idyip ne nwitu yu ebè nim tonok tehe fasadu yó kem tehe fù ye. Deng monu mò kuy là gbeku du ke là dnohou du yóm deng senfasad tekuy ditu bè Bulul Sinay.Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Kmukum 6:14

Omin Dwata mdók ke Gidyun, monen mò du, “Lemwóti ne, hotuhem gelem anì hewaem lu lem hólól yó kem tau Midyan yó kem tau Israél. Ou se nim hol mdók kóm ni.”

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”