Kmukum 13:12 - Udél Dwata: Gna Kesfasad ne Lomi Kesfasad

¹² Ne yó mon Manu mò du, “Ke deng tahu se yóm monem, tedu se hlolò me du yóm ngà logi sut yó? Tedu se angat nmoen?”

Kmukum 13:12 Iomraidhean Croise

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Kem Lingón 143:8

Hol hfungolem do hlafus yóm là konolen yóm kbong nawam do, yakà són uu genléd nawaw. Tolokem do yóm nóyô hlanem do, yakà són uu du gónóhu mni.

Kem Udél Hlalak Tehe Selumun 22:6

Eles hdalang yóm ngà yóm kmò kwiten du hyu yóm kun kmò ne sok deng malay knawahen là kô gkóhen du.

Kem Udél Hlalak Tehe Selumun 4:4

gel tolok mà do, monen, “Hol suem lem hendemem yó kem hlolou kóm ne hol nimónem anì tahà ktauhem.

Ifisus 6:4

Ne yu kem tuha, bê ye abay nmò yóm gónó le lembut yó kem ngà ye. Okóm lemwót bè yóm deng kehtahu ye, hninggel ye hmau kul ne tmolok kul.

Kmukum 13:11

Tódô mung ke tuha libunen Manu, mógów le ebè yóm tau yó ne mon Manu mò du, “Uu kô yóm tau tehe stulón ke tuha libunu yu?” “Ou se,” mon yóm tau yó.

Kmukum 13:13

Yó balaen du yóm hógów Dwata, monen, “Hyu ke hol nmò yehenem yóm deng hlolou du.