Kem Lingón 82:2 - Udél Dwata: Gna Kesfasad ne Lomi Kesfasad

² Yó udélen ebélê le, monen, “Kmò kegenen de yóm là ktedeng kukum ye. Kmò kegenen de yóm tendo kfi ye yó kem tau gel mò sidek?

Kem Lingón 82:2 Iomraidhean Croise

Kem Udél Hlalak Tehe Selumun 18:5

Yóm tau gel mò sidek là kóen hyu mfi du duhen ke bnekel yóm ktedengen ebè yóm tau laen dù salaen.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

Kem Lingón 62:3

Tey dê yó kem hohonu, tek sotu blà le, kdê le gotu mifis hmatay dou. Kton le dou, lómón tóe beng deng gbà, duhen ke labat deng gotu hugón.

2 Tutul Israél 19:7

Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”

1 Bok Kem Tau Hol Geta 18:21

Omin Ilaydya mdà bè solu yóm kdéen tau, monen mò kul, “Deng kegen ye lemolò du yóm lewu kem hentahu ye? Ke Dwata se yóm tahu Dwata, hol du lolò ye. Okóm ke Baal se yóm Dwata, hol du lolò ye.” Okóm bà sekteb ke mudél le yó kem tau.

Hlolò 19:15

Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

Job 32:21

Laen dù nfihu bè nim keskuya ye ni ne laen se dù saluu.