Kehewà 7:3 - Udél Dwata: Gna Kesfasad ne Lomi Kesfasad

³ Okóm naw hgel kulu Faro, ne là kô nan e hnungol kuy balù nô kwenen yó kem knikò hmou kuy bè ni bè Idyip.

Kehewà 7:3 Iomraidhean Croise

Nihimaya 9:10

Wen kem tey knikò tehe nmoem bè yóm tau hol geta bè Idyip ne bè yó kem genlalen dalang se bè yó kem tauhen abay se deng eles tngónem yóm tey kehegnok le yó kem tauhem yó kem tau Idyip. Lemwót bè yóm kegmoem, Dwata, yó se gónóm tótól efet yóm kmoen ni.

Kem Lingón 135:9

Tey dê hentaw ton nmoen bè Idyip mò tmafak ke Faro yóm tau hol geta ne yó kem genlalen.

Kem Lingón 78:12

Tey wen hentaw ton tehe nmò Dwata bè yó kem fù le bè yóm tehe knô le bè Idyip bè datal Suan.

Kehewà 11:10

Tahu se, gotu nmò le Musis ne Aron bè solu Faro yó kem hentaw ton hmò Dwata kul yó, okóm sana tolo kehgel Dwata kulu Faro anì là kô hewóten kul bè yóm kun benwu yó kem tau Israél.

Kehewà 11:9

Deng tehe mon Dwata mò ke Musis, “Là kô hnungol Faro kóm anì yó, bud gmou bè Idyip yó kem dumu hentaw ton.”

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Kehewà 3:20

Okóm lemwót bè kfasangu angat tnafaku Idyip mlan bè yó kem alì dê knikò nmou lem blóng le. Ominen yó he hewót kuy Faro.

Kehewà 4:21

Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.

Kehewà 4:29

Tahu se, slomong le Musis Aron mulék ebè Idyip ne gotu sentifun le yó kem tau malak yó kem tau Israél.

Kehewà 4:7

Omin Dwata bud mon du, “Bud hulékem elem kgalem henmuem.” Tahu se, bud nmò Musis. Timbow bud kóhen, lómón ke laen dù hemenen, tódô bud mulék bè yóm sana kun kmò.

Kehewà 7:13

Bede ke Faro, sana tolo tey kgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Kehewà 9:16

Okóm là, naw hlowilu uu mò gónóm mton du yóm kfasangu anì yó, mból bè klamangen benwu yóm dou boluy.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kun Snulat Jan 4:48

Ne yó mom mon Jisas mò du, monen, “Ke là wen hentaw ton gel nmou, là kô hentahu ye dou.”

Kul Nmò 2:22

Ne bud mon Pitér, “Ó kem dou dumu tau Israél, hol hnungol ye nim monu mò kuy ni. Yóm Jisas lemwót bè Nasarit, deng hógów Dwata edini lem benwu. Yó gónó Dwata hdilô du yóm khógówen du, duhen yó kem hentaw ton deng gel hmò Dwata du lem blóng tekuy. Tódô gotu tngón ye snéen kuy ni kem ni, abay se deng tehe nmoen lem blóng ye bè ni.

Kul Nmò 7:36

Tahu se, Musis yóm malak kul gu bè Idyip. Tey dê hentaw ton nmoen bè Idyip, dalang se bè yóm kifal le yóm Mohin Hulô efet yóm fat folò halay le tódô hlumbù bè yóm benwu laen dù tau menwu du.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Dwata 7:19

Hentulón ye nawa yóm tey dê knikò tehe ton mata ye deng nmò Dwata bè yó kem tau bè Idyip. Bud hentulón ye nawa yó kem hentaw ton ne yó kem tey tennga nmò Dwata bélê ye bè yóm kehewaen kuy gu bè Idyip mlan bè yóm tey kfasangen ne bè yóm tey kekgisen. Yóm tehe keglaen yó kem tau Idyip, hol bud lómón yó se angat bud nmoen bè yó kem tau knikò ye ni kmoen ni.