Kehewà 2:3 - Udél Dwata: Gna Kesfasad ne Lomi Kesfasad

³ Timbow là bud gbeken bemnos du, yó nmoen, nwahen yóm sotu kfilù ne wen lumangen du anì là gógówen elemen él. Ne suen lemen yóm ngaen, ominen hemsù du ditu ta él bè yóm gónón tahà bnes bè kililen.

Kehewà 2:3 Iomraidhean Croise

Tekang Kbuten 11:3

Yó sentulón le, mon le, “Lemwót tekuy ne. Na tekuy mò ngom gónô lemwót bè tonok miket, hékéng tekuy bè ofi anì hol mgemel.” Tahu se, wen ngom gónô nmò le, ne wen dket le du anì hol tilob kesedket le.

Tekang Kbuten 14:10

Yóm Datal Sidim, tey wen kem sol nelemen, hono hitok alì miket yóm lemen, yóm hitok boluyen aspaltu. Bè yóm kesgida le, là gemmò le yó kem tau hol geta lemwót bè Sodom ne Gomora, gotu le mlóy yó kem sendalù le. Wen se bélê le btang elem yó kem sol yó koni ne fen le mlóy etu lem bulul yó kem dumu.

Tekang Kbuten 6:14

Bong kóm du, moi kafal bong, nngomem koyu mtétél. Nmoem kem dfélen, denketem yóm sotu kay litok koyu gu lemen ne gu bè lewaen.

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Isaya 35:7

Angat baling lanaw yóm helek tehe alì sidek kkinien. Ne yóm benwu tehe alì mékéng tonoken, angat dê tbul élen. Bè yóm tehe gónón mékéng gónó le nô yó kem ógóf mayal, tódô angat wen sed tmowok bè yó, dalang se yó kem dumu hulu gel tmowok lem hitok.

Matyu 2:13

Yóm kogol le mulék yó kem tau hulung hménég blotik yó, wen bud hógów Dwata gu bè longit bud hegfan bè kna Jusif, monen mò du, “Ó Jusif, btiki ne, géhél nwitem yóm ngà lewu le yéen etu bè Idyip. Tódô ye na nô ditu efet kól bè yóm bud khuléku kuy edini, yakà angat hfebel Hirod du yóm ngà anì hfatayen.”

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Kul Nmò 7:19

Yóm tau hol geta yó, snukaten yó kem tehe fù tekuy, ne tey kehlayamen kul. Wen udin nmoen bélê le anì tódô sù le lu lem bnes yó kem ngà lomi sut anì matay le.