Biblia Todo Logo
Bìoball air-loidhne

- Sanasan -




Kehewà 10:3 - Udél Dwata: Gna Kesfasad ne Lomi Kesfasad

3 Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Faic an caibideil Dèan lethbhreac




Kehewà 10:3
28 Iomraidhean Croise  

Omin Ilaydya mdà bè solu yóm kdéen tau, monen mò kul, “Deng kegen ye lemolò du yóm lewu kem hentahu ye? Ke Dwata se yóm tahu Dwata, hol du lolò ye. Okóm ke Baal se yóm Dwata, hol du lolò ye.” Okóm bà sekteb ke mudél le yó kem tau.


“Tonem kô yóm tey keheglaan Ahab béléu? Lemwót bè nim nmoen ni, laen dù heglumfaku du bè yóm klawihen mowil. Bè yó he bè kul kdaw yó kem ngaen gónów mò du. Angat gotu hnatayu yó kem fes lówóhen ne yó kem semfu gu béléen.”


Bè yóm kungolem du yóm udélu eta yóm syudad ni ne eta yó kem tau nô lemen, ne bè yóm kungolem yóm kehmulau yóm benwu ni anì laen dù bud tauhen, botongi hegsel ne heglaani béléu, botong gekséem nesem, lelem mkik bè yóm kehegselem. Duhen yó, deng gungolu se yóm knihem béléu, mon Dwata.


Yóm igoen alì meflayam ditu, bud hnebel Manasi yóm sana kun Dwata hol gónó mogot, ne tey ktabahen ebéléen, mung du yóm keheglaanen bè yóm Dwata yó kem tehe fuen.


Yóm kni Manasi ebè Dwata ne yóm kbalà Dwata du, ne yóm kdê salà deng nmoen gu laanen là deng hegsel, ne yóm kehefdaen yó kem gónô tmaba ebè dwata kéng, ne yóm kehefdaen yóm hehek yóm dwata libun boluyen Asira, ne kdê yó kem dwata kéng tehe gónón e gel tmaba, deng gotu snulat bè Bok Yó Kem Tau Wen Hton Dwata Kul.


‘Lemwót bè yóm deng kehegselem ne keheglaanem béléu bè yóm kungolem du yóm udélu eta nim syudad ni ne eta yó kem tauhen, ne botong gekséem nesem lanen alì sidek kegnómem du lelem mkik bè yóm kehegselem, deng hnungolu yóm knihem béléu.


ke mni le béléu yó kem tau mit du yóm dou boluy, ne ke heglaan le béléu, ne ke hnebel le ou, ne ke knogol le yó kem sidek gel nmò le, hnungolu lu gu ditu bè longit, ne hnifótu yó kem salà le, bud hetbasu yóm tonok le.


Duhen ni, deng tey sidek kyaku bè yóm kdê deng monu. Ni se gónów myón lem kfung ne lem kohù mò gónów hegfan du yóm deng tey kegselu.”


Ke là bud hewótem kul, haya wen kem tlangas hwitu elem nim benwuhem.


Ne yó mon Dwata mò ke Musis, “Tey kegen le là mimón du yó kem hlolou kul yó kem tau Israél.


Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”


Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”


Okóm sana tolo kehegmónem ne là kói móyô hewót kul yó kem dou tau.


Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?


Ket kiwólu deng tmaba kuy sbol tinoku yu, okóm là kô ye móyô hmungol ne là se kô kenmón ye do.


Laen kô dù tau madat du yóm tau ke là nan na heglaan du knóen ne yóm tau heklabak meglà.


Moen de ke tendo gel knogol ye Dwata? Móyô ye bud tnafak kô? Tey kem tau Israél, bè ktonu kuy lómón ke deng tfeng halì kulu ye. Là buden hyu knawa ye ne kehedem ye.


Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.


Uu se Bélsasar, yóm ngaen. Là kói dog heglaan bè Dwata igoem deng hónô temngón du nim ni.


“Deng tódô senflós le tendo msel do ni kem tau gel mò sidek ni. Denge tmakas hmungol du yóm tendo ksel le do yó.


Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.


Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.


Heglaan ye dé bè yóm gónó ye mogot, du he hegeta kuy.


Duhen yó, hol ye heglaan bè tum Dwata alì mfasang bè kdéen. Ke ni se nmò ye, tey kehegetahen kuy sok hto yóm kun buteng mò du.


Lean sinn:

Sanasan


Sanasan