Juna 1:3 - Udél Dwata: Gna Kesfasad ne Lomi Kesfasad

³ Okóm mom yó atul Juna, mógów ebè yóm tólóng benwu alì mayuk bè Ninibi, tô henlóyen Dwata. Yó gónón lemwót mógów ebè Jupa, yóm sotu syudad nô bè kilil mohin, ne bè yó gónón mton du yóm kafal mógów ebè Spén. Tódô kendel bnayaden yóm sukéyen anì hsakay le, mung bè yó kem tau gel mò nmò bè kafal anì yó, wen lanen tô hlayuk bè Dwata.

Juna 1:3 Iomraidhean Croise

Tekang Kbuten 3:8

Na a móyón kifu bè yó, tódô gungol le yóm Dwata hol gónó mogot mógów gu lem yóm hungul yó ne yó nmò le, mom henbnos le Dwata lem blóng yó kem koyu.

Tekang Kbuten 4:16

Ne omin Kain tmagak ke Dwata ne ditu gónón nô bè yóm benwu boluyen “Ówów,” nô fi dmata kdaw yóm hungul koyu bè Idin.

1 Bok Kem Tau Hol Geta 19:3

Botong likò Ilaydya, yó gónón mlóy etu ebè Birsiba yóm benwu glem lem Juda, ne bè yó gónón tmebel du yóm tau tóbóng lówóhen.

1 Bok Kem Tau Hol Geta 19:9

Tikóng kól bè yóm bulul yó, ominen mógów ebè yóm sotu kilib, ne bè yó gónón nô kifu. Tódô mudél ebéléen Dwata, monen, “Ó Ilaydya, tedu nmoem bè ni ni du?”

2 Tutul Israél 2:15

Duhen yó, hwitem ebè yóm tóbóng lówóhem yóm halay wit ne halay barli deng monem, dalang se yóm hnolo ulib ne tifas grép.

2 Tutul Israél 2:16

Nofok me béléem yóm koyu wen muhem du lemwót bè yó kem bulul bè Libanun. Nfét me lu, ne hkonul me lemwót bè Mohin Miditiranyan kól bè Jupa. Ne bè yó gónóm mangay du anì nwitem ebè Jirusalim.”

2 Tutul Israél 9:21

Hyu wen yó kem kafalen mò mit udél swa ebè dumu benwu, ne kem tau Hiram fen mit kul. Ket tlu halayen omin le bud gel mulék yó kem kafalen yó, wen lulón le tahu blówón, ne blówón bukay, ne yóm uluk nihi ilifanti, ne yóm sotu kay yó kem iwas lembang, ne yóm onuk tilob alì mebtes boluyen pikak.

Isra 3:7

Bè yóm kbut kehdà le du yóm Gónô Dwata, yó nmò yó kem tau Israél, wen filak blay le mò mayad yó kem tau hulung kemleng botu ne yó kem tau hulung hemdà gónô. Ne wen kem koyu sidar nwa le bè yó kem tau bè syudad Tayal ne bè syudad Sidon. Yó wa le du bélê le, lenuluk le ken ne yóm gel ninum le ne hnolo ulib. Hono kem koyu sidar lemwót bè bulul yóm benwu Libanun. Yó lan le mit du hetów le te Mohin Miditiranyan, dmuung bè yóm syudad bè kilil mohin boluyen Jupa. Kdê ni kem nmò le ni, hono lemwót bè kun kóyô Sirus yóm tau hol geta bè Pérsya.

Job 1:12

Yó mon Dwata mò ke Seitan, “Yó ne, tódô kdê yó kem nfunen gotu suu lem hólólem. Okóm hol béem abay hendes ke Job kun.” Tahu se, lemwót bè yó Seitan bè solu Dwata.

Job 2:7

Tahu se. Lemwót Seitan gu bè solu Dwata, tódô hlós ebè Job ne gotu hesuten bè lówó Job yó kem tey hisa wen lenwóten laan tihen efet kól bè kuluhen.

Kem Lingón 107:23

Wen se bè yó kem tehe tau yó ekni, mò le nmò bè kafal, yó se kul gónó mebel klowil.

Isaya 2:16

Balù yó kem kafal alì lembang alì tilob te mohin, gotu heneben.

Isaya 60:9

Duhen yó se yó kem kafal lemwót gu bè doli benwu mayuk. Eted le lu ebè kul benwu yó kem tau Dwata. Wen kem blówón bukay ne kem tahu blówón nwit le mulék mò gónó le hegfan du yóm kadat le ke Dwata yóm Dwata yó kem tau Israél yóm Dwata laen kô dù belenen. Lemwót bè Dwata se gónó le madat kul yó kem kun tau yó kem tau bè kdéen benwu.

Jirimaya 10:9

Yó kem dwata le yó, gel lenafin le yóm blówón bukay lemwót gu bè benwu Spén ne yóm tahu blówón lemwót gu bè benwu Ufas. Gotu blay le bè yó kem tau wen khulung le mò du. Nnes le yóm nes megem ginggung, yóm nes newel yó kem libun alì hulung mò nes.

Isikél 2:8

Yó ne, Tau Tonok, hol hnungolem yóm tulónu kóm. Béi gbót du kóm yóm là kimón le do. Mnangahi ne, tódô kenem yóm blayu kóm ni.”

Isikél 3:14

Nkayen o yóm Tulus Dwata, ominen mit do. Tey sidek kegnómu du yóm kwiten do yó lemwót bè yóm deng gungolu ne yóm tey khééten yóm hmoen do. Okóm yóm Dwata, tey mbegel kogoten do.

Juna 1:10

Ne bud tulón Juna kul yóm kehlóyen ke Dwata. Bè yóm kungol le du yó kem tau gel mò nmò bè kafal, tey sidek klikò le ne mon le mò du, “Tey alì gedlug ksideken yóm nmoem ni.”

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Kun Snulat Luk 9:62

Ne yó mon Jisas mò du, monen, “Là kóen hyu bè yóm tau dmadu ke tlek bud tendo temdélé semfulék. Senged snéen,” monen, “bè yóm tau tô lemolò dou, là kóen hyu ke tlek bud tendo temdélé semfulék. Ke yó nmoen, laen dù muhen ke gmung bè yóm kogot Dwata tau.”

Kul Nmò 15:38

Okóm là móyóen Pol, abay se lemwót bè yóm tehe le ktagak Mark kul bè Pamfilya igoen là deng deng yóm nmò le.

Kul Nmò 26:19

Bud mon Pol, “Yóm deng hegfan Dwata béléu ni, Datù Agripa, hol là gbeku du ke là nimónu du.

Kul Nmò 9:36

Bè yóm sotu syudad boluyen Jupa, wen sotu libun boluyen Tabita nô du, libun hemtahu bè Jisas. (Yó boluyen bè Grik Durkas. Yó lanen yóm boluy yó, “uhu.”) Nim libun ni, tey hyu yóm gel nmoen, tódô senflósen gel tmóbóng yó kem dumun wen gónó le élél.

Kul Nmò 9:38

Uma kóm yóm kun benwu bè Jupa, moni bè Lida, yóm benwu gónó Pitér nô. Timbow tngón yó kem tau hemtahu bè Jupa yóm knô Pitér bè Lida, wen lewu tau dók le mò na a mangay du. Yó udél hwit le, mon le, “Hesloi kum edini” mò ke Pitér.

Kul Nmò 9:42

Yóm klowilen yó, tódô lenngeben klamang Jupa, ne tey dê tau baling hemtahu bè Jisas.

Kul Nmò 9:43

Nan na legen udì Pitér bè yó bè Jupa bè gónô yóm adénen Simun. Nim Simun gónó Pitér nô ni, wen kenhulung nmoen lemwót bè kulit ógóf.

1 Kurin 9:16

Bè yóm gel kwitu du yóm Tulón Hyu, laen kô gónóhu hton salù du, abay se bè ktahuhen, wen fen hmò du dou. Hol là gbeku du ke là nmou du. Angat tey kegtafaku ke là nmou du.

2 Tisalunika 1:9

Angat gnóm le yóm tafak laen tul sónen. Gotu hdóhen lu bè solu yóm gónó tekuy mogot, tódô hlós ne yóm keskó le béléen ne là se bud ton le du yóm tey alì kfasangen