Juna 1:2 - Udél Dwata: Gna Kesfasad ne Lomi Kesfasad

² yó monen mò du, “Ó Juna, mógówi etu bè Ninibi bè yóm tey syudad bong, nam e tulón yó kem tau bè yó yóm deng khulenu kul lemwót bè yóm deng kgulé yóm sidek nmò le.”

Juna 1:2 Iomraidhean Croise

2 Bok Kem Tau Hol Geta 19:36

Kewót Sinakirib bè yó, mulék ebè benwuhen bè Asirya, ne bè yó bè syudad Ninibi gónón na nô.

Isaya 37:37

Yó gónóm mon, là dogen gehlós yóm nmò yóm tau hol geta bè Asirya yó, tódô semfulék ebè Ninibi ebè yóm kun syudad.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Jirimaya 20:9

Okóm ke monu tódô klifótu ne Dwata ne laen dù bud tulónu mlan bè boluyen. Yó mò do yóm udélem bnosu lem hendemu, hol lómón ke ofi mken lem but blututu ne mken lem tiolu. Là bud gafasu du ne ke là tulónu du yóm htugodem dou.

Isikél 2:7

Hol tulónem kul yóm udélu ebélê le, kihu ke hnungol le duhen ke là. Okóm là kô na le e hnungol kóm, abay se hono le tau là mimón yóm kdê le.

Juna 3:2

yó monen mò du, “Yó ne Juna, hlósi ebè Ninibi ebè yóm tey syudad bong, nam e tulón yó kem tau bè yó yóm htugodu kóm.”

Juna 3:3

Tahu se, nimón Juna Dwata ne mógów ebè Ninibi. Yó kbongen yóm syudad yó ke tnonokem, tlu kdawem mógów bè sóólen, ominem gefet bè dolihen.

Juna 4:11

Milud he kkoduhu du yóm tey syudad Ninibi ni. Mukas lematu lewu folò libuhen kem ngà lemnek nô bè yó, kem ngà laen dù deng sidek tngón le. Lelen tey wen kem ógóf he bè yó.”

Mika 3:8

Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.

Nahum 1:1

Ni se yóm udél Dwata gbak bè yóm benwu Ninibi, htonen ke Nahum yóm tau menwu bè Élkus.

Nahum 3:19

Là gbek bulung du yóm haliem, yó se angat hatayem. Tey kligal le yó kem tau mungol du yóm gfaem. Gotu le mensag abay se laen dù tau bè klamangen benwu ke là deng gnóm le du yóm tey sidek kmò ye ebélê le.

Matyu 10:18

Lemwót bè yóm klolò ye do gónó le angat mit kuy bè solu yó kem gubérnor, ne bè yó kem tau hol geta. Yó se kdaw ye tnana hetngón du bélê le yóm Tulón Hyu, dalang se ebè yó kem tau là Ju le.

Matyu 12:41

Bè yóm kdaw angat kkukum Dwata tau, tódô le sbung mdà bè yó se kul yó kem tau là Ju le lemwót bè Ninibi, ne angat nsel le yu. Anam yó ne, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô tnagak le yóm sidek gel nmò le. Ne deng wen yóm mkay senta Juna deng kól lem blóng ye bè ni, okóm deng mom henda ye.

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Deng Hegfan 18:5

Abay se yóm salà nmoen, deng gesduk bè longit ne ke snansudem. Là kô klifót Dwata du yóm sidek gel nmoen.