Isikél 2:3 - Udél Dwata: Gna Kesfasad ne Lomi Kesfasad

³ “Yó ne, Tau Tonok, hógówu uu ebè yó kem tau Israél ebè yó kem tau là mimón do. Yó kem tehe fù le ekni, tódô lenwóten bè kbuten yóm là kimón le do ne efet ni kmoen ni sana yó ne yóm là kimón le do.

Isikél 2:3 Iomraidhean Croise

2 Bok Kem Tau Hol Geta 17:14

Okóm là kô hnungol le du, tey mgel kulu le lómón yóm tehe nmò yó kem tehe fù le, là kô hentahu le du yóm sana kul Dwata hol gónó mogot.

2 Bok Kem Tau Hol Geta 17:15

Mom kenbê le yóm hlolò Dwata kul, dalang se yóm deng tehe senfasad le Dwata yó kem tehe fù le, ne yó kem eles hetgamahen kul. Deng mom lolò le yó kem dwata lennged laen dù mu le, ne baling le tau laen dù mu se kul. Mom lolò le yóm kul gel nmò yó kem benwu hmilol kul igò Dwata deng mon du mò kul hol bê le abay lolò lu.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Kem Lingón 106:28

Omin yó kem fù tekuy, deng le mom mung tmaba ebè Baal bè Pyor, ne balù yóm deng dsù le ebè matay, sana kken le du.

Isaya 30:1

Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.

Jirimaya 1:7

Okóm mom yó balà Dwata dou, monen, “Béem udél yóm yó. Holi mógów ebè yó kem gónóhu e hógów kóm ne hol tulónem yó kem htulónu kóm.

Jirimaya 3:25

Deng tey kyak me ne ni laen dù bud madat kum, yakà deng tódô lenwóten du bè yó kem fù me ekni yóm tendo kmò me salà bè yóm sana kum Dwata hol gónó mogot. Balù udì se ke deng tô nimón me.”

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Jirimaya 7:2

“Mógówi ebè bak tikeb yóm dou Gónô, bè yóm bak tikeb gónó le gel husek tmaba ebéléu yó kem tau ne yó monem mò kul, ‘Ó kem tau bè Juda, hnungol ye yóm udél lemwót bè yóm sana Dwata hol gónó mogot. Hol hnungol ye yóm kdê ye gel tmaba Dwata bè ni.

Isikél 17:12

“Tulónem yó kem tau là mimón bè Israél, monem mò kul, ‘Là tngón ye du kô hnigad yóm lewu banug yó? Tulónu kuy ne, mon yóm sana Dwata hol dandónen geta. Yó hnigaden, lemwót yóm tau hol geta bè benwu Babilun mógów ebè Jirusalim nan e negef yóm tau hol geta bè yó, gomong yó kem dumu tau wen glalen, gotu nwiten lu ebè Babilun.

Amus 7:15

Okóm yó nmò Dwata, tnabahen ou yóm igou semgyok ógóf, monen mò dou, ‘Mógówi ebè yó kem dou tau bè benwu Israél, wen htugodu kóm bélê le.’

Malakay 3:7

Tódô lenwóten bè yóm tehe kul kdaw yó kem tehe fù ye ekni yóm kkogol ye du yó kem dou hlau ne là kô lolò ye du. Semfulék ye ebéléu dé ne bude semfulék ebélê ye se dou,” udél yóm Dwata laen dù là gbeken du. Okóm mom yó snólók ye, “Tedu kmò bud kesfulék me ebéléem du igò me sem là hlayuk béléem?”

Lista 20:10

Yó nmò le lewu le Aron, gotu sentifun le yóm kdéen tau bè solu yóm botu mon Dwata. Ne yó udél Musis ebélê le, “Yu kem tau gel smonol ke Dwata, hol hnungol ye. Yó hol kóyô ye kô ke wen él hesfut me gu lem nim botu ni mò ninum ye?”

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Sulat Pol Ebè Yó Kem Tau Hemtahu Bè Rom 10:15

Ne tedu kmò kógów le na a tmulón du ke là wen hógów kul? Lómón yóm monen bè Sulat Dwata, yó monen, “Tey bong hyu gemnóm du yóm ksut yó kem tau mit yóm Tulón Hyu.”

Dwata 9:24

Tódô lenwóten bè yóm hol kbut kdilóu kuy yóm ksonol ye ke Dwata.

Dwata 9:27

Béem abay bud hendem bélê le ne yóm alì kgel kulu le ni kem tau ni ne yóm tey kmò le sidek. Yó dé hendemem yóm le tehe Abraham ne Isak ne Jakub, yó kem tau tóbóng lówóhem.