Ifisus 4:4 - Udél Dwata: Gna Kesfasad ne Lomi Kesfasad

⁴ Tekuy kem tau hemtahu, hol lómón ke deng ssotu lówó tekuy. Tek sotu snéen yóm Tulus Dwata. Ne tek sotu se yóm hol hendón nefet nawa tekuy, duhen yóm deng taba Dwata tekuy.

Ifisus 4:4 Iomraidhean Croise

Kem Lingón 122:8

Yó gónóhu mni du yóm kenek Jirusalim, yakà wen yó kem dumuhu setwoli ne yó kem weu nô lemen.

Jirimaya 14:8

Tek són uu se yóm nefet nawa me kem tau Israél. Tek són uu se yóm gembek lemwà kum bè yóm gónón wen hlayam. Moen de ke lómón ke tauhi milo bè benwu me, lómón ke tauhi mógów tek suloyen?

Jirimaya 17:7

Okóm tnóbóngu yóm tau smalig béléu ne són ou nefet nawahen.

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Kul Nmò 15:11

Hol bê tekuy abay bud hlolò kul yóm yó,” mon Pitér. “Yó gónó tekuy gewà gu lem hatay, tódô lemwót bè yóm tey któbóng Jisas tekuy hlanen bè yóm kehtahu tekuy béléen. Senged se yóm kul kegewà yó kem tau là Juhen.”

Sulat Pol Ebè Yó Kem Tau Hemtahu Bè Rom 11:29

Yóm Dwata, sok wen tau néléken, ne sok wen tau tnóbóngen, deng duhen yó ne, là kô bud tenlesen du hendemen.

1 Kurin 10:17

Abay se tek sotu yóm mambang senkbéng tekuy yóm kdê tekuy. Bè yóm kken tekuy du yó, yó hnigaden yóm deng kessotu tekuy, balù yóm tey kwen tekuy, abay se tódô kdê tekuy gbót mken du yóm tek sotu mambang yó.

1 Kurin 12:20

Bè ktahuhen tek sotu yóm lówó tau, okóm tey dê yóm sù Dwata du.

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Ifisus 2:16

Bè yóm tehe le katay Krays bè kros, yó se gónón gesón yóm tehe kesfohon tekuy. Ne lemwót bè yóm katayen yó, deng gotu sensotuhen tekuy, balù yóm kestólóng kbut ktau tekuy, ne gotu niten tekuy mulék ebè Dwata.

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

Ifisus 2:22

Lemwót bè yóm deng kessotu ye béléen, yó se gónó ye baling ngom bè nim gónô monu ni. Tódô ye gomong bè yó kem dumu ngomen efet tekuy baling gónô gónóhen nô Dwata, hlanen bè yóm kun Tulus deng nô bélê tekuy.

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

Ifisus 5:30

yakà deng tekuy baling hol kun lówó.

Kulasi 1:5

Bè yóm hol tanay kungol ye du yóm tahu tulón, duhen yóm Tulón Hyu, gungol ye yóm kwen nefet nawa tulónen. Yó se hol buten yóm kehtahu ye ne yóm kbong nawa ye kem dumu ye, duhen yóm hendón nefet nawa ye deng eles tgama Dwata kuy bè longit.

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

2 Tisalunika 2:16

Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.

1 Timuti 1:1

Ou se Pol gónóhen lemwót nim sulat ni. Ou se sotu tau fen gel hógów Krays Jisas. Nim kógówu ni, hol lemwót bè Dwata, yóm deng lemwà kut gu lem hatay, ne Krays Jisas, yóm tendo hendón nangat te.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Taytus 2:13

Ni se hol nmò tekuy yóm igò tekuy semsangat du yóm kdaw hendón nefet nawa te, duhen yóm kdaw kesfuléken edini Jisas Krays, yóm Dwata tekuy, yóm deng lemwà tekuy gu lem hatay. Angat hol gfan bè yóm kdaw yó yóm alì kegetahen.

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

1 Jan 3:3

Ke yó tendo nefet nawahen yóm tau yóm angat kkélen ke Krays, béen abay nmò belenen yóm gel nmoen, abay se yóm Krays, laen kô belenen yóm kun kmò.