Ifisus 4:3 - Udél Dwata: Gna Kesfasad ne Lomi Kesfasad

³ Hotu ye gel ye anì laen dù sembeweg du yóm kessotu nawa deng blayen kuy yóm Tulus Dwata. Hol tendo nmò ye sen yóm gónón wen kenek nawa ye.

Ifisus 4:3 Iomraidhean Croise

Mark 3:24

Ke wen benwu mesgólól nawa tauhen, ne ke sónmò le sfatay, angat meglà.

Kun Snulat Jan 13:34

Ne ni,” monen, “wen lomi hlauhu kuy. Yó hlauhu kuy, hol ye sbong nawa. Lómón yóm dou kbong nawa kuy, bud lómón yó se yóm kuy kesbong nawa.

1 Kurin 1:10

Ó kem dumuhu setwoli, lemwót bè yóm kwalis deng blayen dou yóm gónó tekuy mogot Jisas Krays, wen hol hesgaluhu kuy, duhen yóm hol kessotu nawa ye anì là mesgólólen yóm kessotu kehedem ye anì segmung ke wen gel sensatul ye.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Ifisus 4:13

Yó hol nefeten nim ni, baling tekuy ssotu bè yóm kehtahu tekuy ne bè yóm ketngón tekuy du yóm Ngà Dwata. Ngangen ne efet tekuy baling gulit, efet gsenged tekuy yóm hol kun kmò Krays.

Ifisus 4:4

Tekuy kem tau hemtahu, hol lómón ke deng ssotu lówó tekuy. Tek sotu snéen yóm Tulus Dwata. Ne tek sotu se yóm hol hendón nefet nawa tekuy, duhen yóm deng taba Dwata tekuy.

1 Tisalunika 5:13

Hol nadat ye lu dé, ne hol hotu ye nawa ye kul lemwót bè yóm kmò le nmò lem blóng ye. Hol nmò ye yóm gónón menek nawa ye yóm kdê ye.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.