Ifisus 2:2 - Udél Dwata: Gna Kesfasad ne Lomi Kesfasad

² Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

Ifisus 2:2 Iomraidhean Croise

Job 1:16

Là dengen gfu kudél yóm tau yó koni bud wen sotu tau sut, monen, “Gotu kenfô leték lu yóm kdê ubihahem ne yó kem tau semgyok kul. Tek són o là matayen. Tódóe mlóy edini naw e tulón kóm.”

Job 1:19

deng nan e tódô mbel yóm hol yéen lenos bong lemwót gu bè yóm benwu laen hol wen tauhen. Gotu genbaen yóm gónô gónó le nô ne gotu le matay yóm kdê le. Tek són ou là matayen. Tódóe mlóy edini naw e tulón kóm.”

Job 1:7

Snólók Dwata Seitan, “Gónóm gu de?” Bnalà Seitan se, monen, “Snolò tenngelu yóm mò kmoen ditu talak tonok.”

Job 31:7

Ke deng senyatu yóm lan tedeng, duhen ke deng lolou yóm gel nóyô matahu, duhen ke deng wen dumu sidek gel nmò tdoku,

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

Isaya 30:1

Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.

Jirimaya 23:10

Abay se yóm benwu yó hono tau smamuk. Yó se gónó Dwata tmafak du yóm tonoken. Deng tódô mékéng yóm gónó le gel hótób ógóf hol lómón ke langag se kun yóm tonok. Abay se yó kem tau tugod Dwata, hono sidek yóm nmò le ne sidek kwit le du yóm kfasang le.”

Matyu 11:19

Bè yóm deng kkól yóm Ngà Tau, gel mken se kun ne gel minum lómón se yóm kuy. Okóm mom senlón ye, gel mon ye, ‘Ngem dé yóm tau yóó, bong kkenen, ne bong kinumen. Deng mom niten swè yó kem tau gel mtuk bwis ne yó kem dumu tau gemsalà.’ Ewenem,” mon Jisas, “sana kegfanen bè klowil yóm tau mimón yóm khulung Dwata mit tau.”

Matyu 13:22

Bong yóm bnék gdek elem yóm angat gónón mfól kluon, hol lómón ke yó kem tau hmungol du yóm Udél Dwata, okóm dê bnukù nawa le bè klowil le, ne gfét nawa le bè kebel le kendengen le. Yó gónón limes yóm kehtahu le, ne laen kô dù bunguhen.

Matyu 13:38

Ne yóm dnadu, hningónen yóm klamangen benwu. Ne yóm bnék hyu yó, duhen yó kem tau deng nogot Dwata. Yó hningón yóm kluon gbol lemen, duhen yó kem tau deng nogot Seitan.

Mark 4:19

okóm dê bnukù nawa le bè klowil le, ne gfét le bè kebel le kendengen le, ne tey dê he kem dumu sen-galu nawa le. Yó gónón baling limes yóm tô kehtahu le ne laen dog bunguhen.

Kun Snulat Luk 16:8

Tikóng tngón yóm tau fun kendengen yóm kmò kehlanen du yóm atulen yóm tau là gulit yó koni, botong monen, ‘Tey hulung hemlan yóm klowilen elem haya yóm tau là gulit yó.’ ” Bud mon Jisas, “Yó kem tau són ktes le klowil le te tonok, tey le hulung eles temgama du yóm klowil le elem haya. Yake bud lómón se yó yóm kul eles ketgama du yóm klowil laen dù sónen yó kem tau deng nô lem layag.

Kun Snulat Luk 22:31

Mon Jisas mò ke Pitér, “Hol ten-gamahem, Simun. Deng bal Seitan bè Dwata yóm angat ktilówen kuy. Hol lómó kmoen kuy, lómón kmusu halay.

Kun Snulat Jan 12:31

Deng hto ne yóm buteng kkukum Dwata kul yóm kdéen tau bè klamangen benwu, ne yóm kkóhen du bè Seitan yóm kfasangen mogot benwu.

Kun Snulat Jan 13:2

Timbow kifu bè yó, gotu le seyón ke Jisas mken yó kem gel lemolò du. Deng sana hnô Seitan lem hendem Judas yóm angat keblayen ke Jisas sumóng ebè yó kem hmohon du. Nim Judas ni, du se ngà Simun Iskariyut,

Kun Snulat Jan 13:27

Bè yóm kwa Judas yóm mambang ogu Jisas du, sen-gengen se husek ebéléen Seitan. Ne mon Jisas mò du, “Géhél nmoem ne yóm nmoem.”

Kun Snulat Jan 14:30

Là buden hol legen ne yóm kestulón tekuy, abay se móyónen sut ne Seitan, yóm fen mogot klamangen. Laen kô dù kfasangen béléu kun.

Kun Snulat Jan 15:19

Ke nmung ye yóm kul kehedem, là kô knutó nawa le kuy. Okóm ni, tólóng ne kuy kehedem lemwót bè yóm deng kéléku kuy, là bud ye gmung bélê le ne. Yó se lewót gónó le kmutó nawa kuy.

Kun Snulat Jan 16:11

Angat hdilóen kul snéen yóm angat ktafak Dwata kul. Ngem yóm Seitan, yóm fen mogot klamangen, deng eles nô tahen ne tuled Dwata du.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Kun Snulat Jan 8:23

Ne bud mon Jisas se mò kul, monen, “Tau ye lenokob longit kuy. Fene lemwót ta dou. Tau ye tonok kuy okóm là dou.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Kul Nmò 19:35

Botong mógów elem blóng le yóm sotu tau wen glalen bè yóm syudad yó nan e tenflok lu, monen mò kul, “Ó kem dumuhu bè ni bè Ifisus, tódô tngón kdéen tau yóm kut kesgifà du yóm kun gónô yóm kut dwata Artimis, dalang se yóm botu mtulus btang gu bè longit.

Kul Nmò 5:3

Bè yóm kkól Ananiyas bè Pitér, yó mon Pitér mò du, monen, “Tey Ananiyas, moen du ke nmungem Seitan? Dengi mom tmulón kéng bè yóm Tulus Dwata. Kaem deng wen bnosem du nim filak ni mò kóm.

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

1 Kurin 5:10

Bè yóm ksulatu yó, là tendoku du yó du kem tau là hemtahu le. Sana kul kmò yóm mò samuk, ne seglom ne mnagaw ne hemtahu bè dwata kéng. Là gbekem kembê ston kul yó kem tau yó. Song hyu ke là budi nô talak tonok.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Glasya 1:4

Yóm Krays, deng tódô hamaen yóm kun klowil bè salà tekuy anì wen lan tekuy gewà gu lem yó kem sidek gel nmò yó kem tau là hemtahuhen ni kmoen ni. Bè yóm katayen yó, tódô nmungen yóm kun kóyô Dwata, yóm Mà tekuy.

Ifisus 1:21

Són Krays gónó le mogot yóm kdê deng wen hfogot Dwata kul, yó kem wen kwalis le ne wen kfasang le ne wen glal le. Yóm boluy Krays, laen kô dumu boluy tótól semnged du nim kmoen ni ne balù yóm elem hulihen kdaw.

Ifisus 2:11

Yu kem tau là Ju le, bê ye klifót yóm tehe kuy kmò ekni. Là kô ye semfu bè kem tau Ju se kuy, ne gel taba le kuy kem tau là tnulì. Tey kehegmón le du yóm deng ktulì le yó, igoen tek olon mlan te kulit kmò le du, là kóen mlan bè but blutut le.

Ifisus 2:13

Okóm nim kmoen ni, tey bong stólóng. Lemwót bè yóm kessotu ye bè Krays Jisas, là kô ye bud glayuk bè Dwata ne, deng ye hol moni béléen lemwót bè tum litô gamà Krays bè yóm tehe katayen.

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

Ifisus 4:17

Ni eles hetgamahu kuy hlanu bè boluy yóm gónó tekuy mogot. Bê ye abay bud nmò yóm kul gel nmò yó kem tau là tngón le ke Dwata. Yóm kul kehedem yó, laen kô gónón e kól.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Ifisus 5:6

Bê ye abay hegsukat bè yó kem tau gel smonol du yó kem monu yó koni. Lemwót bè yóm gel kmò le du, gnóm le he yóm tey kebut Dwata kul yó kem tau là mimón du.

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Ifisus 6:12

Abay se là kô tau du yóm nit tekuy sfatay, okóm yóm dê mtulus gel dók Seitan gu te kmawang. Ne wen se kfasang le mkem yóm tey kkifuhen.

Kulasi 1:21

Tehe yu ekni, tehe ye glayuk bè Dwata, ne tey tehe gel khohon ye du lemwót bè yó sem ksidek nmò ye ne ksidek kehedem ye.

2 Timuti 4:10

Ke Dimas kun, deng mom tódô tnagaken ou lanen dê kenbeyen nawan lem nim benwu ni. Ne ni deng mom kól bè syudad Tisalunika. Lemwót ke Krésén, deng kól bè prubinsya Glasya, ne fen kól bè Dalmasya ke Taytus.

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Sulat Jim 1:7

Ke lómón yó yóm tau, ke gel megewu kehedemen, ne ke mahil mili nawahen, lugihen tô hemdem du ke bnalà yóm gónón mogot yóm hnihen.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

1 Pitér 1:14

Hol nimón ye dé Dwata. Bê ye abay heskél yóm kmò ye bè yóm tehe tey dê nóyô ye gu laan ye là deng temngón ke Dwata he.

1 Pitér 4:3

Geblaen ne yóm kmò ye du yó kem sidek gel nóyô yó kem tau là temngón ke Dwata. Tehe gel nmò ye yóm gel hemyak knô. Tehe nmung ye yó kem sidek knóyô lówó. Ne lel ye tehe gel hlengel, ne dê sidek nmò ye lemwót bè klengel ye. Ne dê sidek tehe nmò ye bè yóm klolò ye yó kem dwata kéng.

2 Pitér 2:14

Són libun tendo henklol le. Là dengen gsengel nawa le mò du yóm sidek baluen ke hilu dulék le semsulit mò du. Gel hegbóy le yó kem tau là dengen dmolil kehtahu le. Deng hol tahu knalam le yóm knawa sbì. Kaem deng nô ta le ne yóm kegtafak le bè Dwata.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

1 Jan 5:4

abay se ke deng tekuy baling ngà Dwata, gbek tekuy matù bè yó kem sidek lem nim benwu ni. Yó gónó tekuy matù lan tekuy deng hemtahu.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

Deng Hegfan 13:14

Ne lemwót bè yó kem hentaw ton gel nmoen, gónó le gotu gsukat yóm kdéen tau nô te tonok. Bè yóm gel kmoen du ni kem ni, gel nô klohok yóm lóbô tanay sut, abay se yóm lóbô gna sut gel hmò du béléen. Yóm lóbô huli sut yó, wen lennged hmoen yó kem tau, yóm lennged mkél bè yóm lóbô tehe hnalì bè sudeng, okóm deng bud mowil.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Deng Hegfan 16:17

Ominen lemwót yóm ghitu hógów Dwata koken yóm kun tukung talak kmawang. Tódô sen-geng gungolu se yóm tey mudél bong gu bè yóm Gónô Dwata bè longit, gu bè yóm gónón myón yóm fen kmamal, monen, “Deng gotu deng ne.”

Deng Hegfan 20:2

Tódô kenfóen yóm swaga, yóm sana ulal là sekna, duhen Seitan, yóm alì hulung dmelem yó kem tau hemtahu bè Dwata. Tódô nféten efet lemibu halay,