Ifisus 1:9 - Udél Dwata: Gna Kesfasad ne Lomi Kesfasad

⁹ Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Ifisus 1:9 Iomraidhean Croise

Kem Lingón 33:11

Okóm yó kem kun gel atul Dwata, laen kô dù sónen. Ne laen kô dù sónen snéen yóm gel nmoen.

Jirimaya 2:29

Tedu se yóm alì delem ye dou kem tau Israél? Deng mom yu kmogol dou yóm sana kuy Dwata hol gónó mogot.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Kul Nmò 13:48

Timbow gungol yó kem tau là Ju le yóm tulón le Pol yó, ya tey kehligal le, ne tey kdóyón le ke Dwata bè yóm udélen. Ne kdê yó kem tau tehe olu Dwata eta le yóm klowil laen dù sónen, gotu le hemtahu.

Kul Nmò 2:23

Lemwót bè yóm tehe olu Dwata du, yó gónón hemlus du elem tdok ye. Ne lemwót ye se kuy, tódô eted ye ebè yó kem tau là temngón ke Dwata anì hnatay le. Tahu se, hnatay le, duhen yóm le ktutuk le du bè kros.

Kul Nmò 4:28

Bè yóm kessatul le du yóm yó, Dwata, ne yóm kdê nmò le bè Jisas, yó se deng gónón dohò yóm deng tehe oluhem du, deng hlanem bè kóm kóyô ne kóm kfasang.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

Glasya 1:12

ne laen se kô dù tau tmolok du dou. Okóm tódô Jisas Krays yóm hol hetngón du dou.

Glasya 1:15

Okóm balù yóm tehe tey ksidek nmou bè yó kem tau hemtahu, ewenem tey nawa Dwata ebéléu. Yóm gu laanu là deng tau, deng eles néléken ou ne mò sotu bè yó kem gel hógówen. Bè yóm deng kehto yóm buteng tehe fét Dwata,

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

Ifisus 1:8

Là kô gbek tekuy hmingón du kbongen yóm tóbóng yó. Lelen bemlay du tekuy he yóm khulung hedem anì gbek te gmileb du yóm kun nmò.

Ifisus 3:11

Yóm nmò Dwata yó, deng eles hendemen ne ekni lemwót bè hol tekang kbuten, ne tódô hlanen bè yóm gónó tekuy mogot Krays Jisas.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.