Ifisus 1:8 - Udél Dwata: Gna Kesfasad ne Lomi Kesfasad

⁸ Là kô gbek tekuy hmingón du kbongen yóm tóbóng yó. Lelen bemlay du tekuy he yóm khulung hedem anì gbek te gmileb du yóm kun nmò.

Ifisus 1:8 Iomraidhean Croise

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Kem Udél Hlalak Tehe Selumun 8:12

Ou se yóm khulung hedem gónón gu yóm khulung tau milô. Bud ou se gónón gu yóm ketngón tau ne khulung tau mit du hyu yóm kun kmò.

Isaya 52:13

Yó udél Dwata, monen, “Yóm tau tóbóng lówóhu, angat gdengen yóm hmou du ne tey kehegetahu du.

Matyu 11:19

Bè yóm deng kkól yóm Ngà Tau, gel mken se kun ne gel minum lómón se yóm kuy. Okóm mom senlón ye, gel mon ye, ‘Ngem dé yóm tau yóó, bong kkenen, ne bong kinumen. Deng mom niten swè yó kem tau gel mtuk bwis ne yó kem dumu tau gemsalà.’ Ewenem,” mon Jisas, “sana kegfanen bè klowil yóm tau mimón yóm khulung Dwata mit tau.”

Sulat Pol Ebè Yó Kem Tau Hemtahu Bè Rom 11:33

Laen kô bang gónó tekuy e hmingón du yóm alì kehyuhen yóm Dwata. Tey nelem yóm ketngónen, ne tódô ket yóm kenhulungen. Laen kô dù tau gembek tmulón du yóm kun kehedem, ne laen se dù tau gembek gmileb du yóm kun kmò.

Sulat Pol Ebè Yó Kem Tau Hemtahu Bè Rom 5:15

Okóm là sengeden yóm guta tau bélê le. Yóm alì hyu guta tau lemwót bè yóm tódô basa Dwata, duhen Jisas Krays, okóm tólóng se guta le lemwót bè kun kegsalà Adam, duhen hatay.

1 Kurin 2:7

Yóm ketngón gel toloku ni, yó se yóm ketngón Dwata tehe gbuni bè kem tau gnan. Okóm gu laan Dwata là deng dmimun du yóm benwu, deng sana eles tngónen yóm kmò kehlanen du bélê tekuy yóm ketngónen yó anì wen klowil tekuy laen dù sónen.

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Kulasi 2:3

Du se henged kunsì mò lemungkà du yóm tey hyu deng fan Dwata tekuy lemwót bè yóm tey khulungen hedem ne yóm tey ketngónen.

Sulat Jud 1:25

Yó gónóm mon, bê tekuy nmò sónen yóm tendo kdóyón tekuy ke Dwata. Sónen du se tahu Dwata. Deng hewaen tekuy gu lem hatay hlanen bè yóm gónó tekuy mogot Jisas Krays. Du se yóm hol dandónen geta, yóm kmamal yóm klamangen. Tek són du yóm hol mfasang bè kdéen, ne yóm alì wen kwalisen. Sana kem gnô kun ne ni kem ni hnikót là deng dlimunen du he yóm benwu, ne laen kô tul konolen efet nim kmoen ni, ne laen kô tul sónen snéen.

Deng Hegfan 5:12

Ya tey kesngal le, mon le, “Nim Ngà Ubiha ni, deng tehe hnatay le. Tey knóón du yóm kfasangen ne yóm kwen kendengenen, ne yóm ketngónen ne yóm kekgisen. Ne knóón du ke hol sensadat tekuy, ne ke hol hegeta tekuy, ne ke hol sendóyón tekuy.”