Ifisus 1:6 - Udél Dwata: Gna Kesfasad ne Lomi Kesfasad

⁶ Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Ifisus 1:6 Iomraidhean Croise

Kem Lingón 22:20

Lenwaem ou bè bak sudeng yó kem hohonu. Hol béem blay klowilu bè yó kem ohu lóbô yó.

Kem Lingón 60:5

Hol lenwaem mi mlan bè yóm sigel kwananem, ne lenwaem yó kem kóm tau kenbong nawa.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Isaya 43:21

Lu se yó kem tau deng nmou mò hol dou tau. Angat tey kdóyón le dou mlan bè kesngal le.”

Isaya 61:11

Sok deng huluhem yóm lem hulu, hol dohò tmowok se yó. Senged snéen yóm nmò Dwata, yóm Dwata hol dandónen geta gónó tekuy mogot. Angat dohò kehewaen kul yó kem tauhen ne gotu dóyón le Dwata yóm kdéen tau bè klamangen benwu. Là gomongen bè nili yóm tsaptér 62. Yó tulónen yóm kni Isaya bè Dwata gbak bè yóm syudad Jirusalim, yóm deng gotu kegbaen ne ktagak le du. Yó gel boluy le du yó kem dumu, Syudad Deng Tnagak Dwata, duhen ke Tonok Là Hyu Menwu Du. Okóm eles ton Isaya yóm mò kmoen bè hulin kdaw, ne tonen yóm kmò kehgulék Dwata yóm syudad Jirusalim ne yóm bud kehefdaen du. Mon Isaya bè bérs 7, “Hol ye gel mni bè Dwata efet henbalingen Jirusalim hol tótól bè klamangen benwu.” Bè yóm kdaw yó gotu bud sentifun Dwata yó kem kun tau, yó kem deng gotu sekla ebè klamangen benwu. Gotu nwiten lu mulék ne eles wen kem ofol mò blayen kul.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Matyu 20:9

Tahu se, gna bnayaden yó kem tau hol són huli sut. Tódô blayen kul yóm sukéy geblà bè yóm sukéy le sendaw.

Matyu 3:17

Ne ominen wen mudél gu bè longit, monen, “Ni se hol dou Ngà tendo gónón nô nawahu. Tey kligalu béléen.”

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Kun Snulat Jan 10:17

Ne bud mon Jisas, “Tey kbong nawa Mà do, abay se tódô lemwót bè dou kóyô hamà du yóm dou klowil bè yó kem tau. Okóm angat bud gutahu snéen yóm hamau bélê le yó.

Kun Snulat Jan 3:35

Tey kbong nawa Dwata du yóm kun Ngà, deng gotu hogoten du yóm kentihen.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

2 Kurin 4:15

Yó se gónó me hembala du yó kem mgel gel sut bélê me mò lan me tmóbóng kuy. Abay se ke sónmoen temnù tau tnóbóng Dwata, sónmoen se temnù tau dmóyón du. Yó se sotu alì gónón megdóyón Dwata.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Ifisus 1:12

Duhen yó, bélê me kum kem tau hol tanay hemdón ke Krays, yake mi dé gónó Dwata megdóyón lemwót bè kun kehyu.

Ifisus 1:14

Lemwót bè yóm knóen bélê tekuy yóm Tulus Dwata, yó gónó tekuy temngón du dohò kguta tekuy du yó kem tehe fasad Dwata bè yó kem kun tau, ne dohò snéen yóm hol tahu kehewaen tekuy. Yó gónóm mon, hol gel dóyón tekuy dé yóm tey kehyuhen yóm kut Dwata.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Ifisus 2:7

Yó gónón mò du nim ni mò gónón hegfan du bè kdéen tau yóm tey któbóngen tekuy, ne yóm tey nawahen ebélê tekuy hlanen bè Krays Jisas.

Flipay 1:11

Sotu bud hnihu anì hol hyu yóm kmò ye lemwót bè yóm gel któbóng Jisas Krays kuy. Ne bè yó se hol gónó Dwata megdóyón bélê ye.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Flipay 4:19

Ke Dwata kun, lemwót bè yóm tey kendengenen, gotu blayen kuy yóm gónó ye élél hlanen bè Krays Jisas.

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.