Ifisus 1:5 - Udél Dwata: Gna Kesfasad ne Lomi Kesfasad

⁵ Lemwót bè yóm kbong nawahen tekuy Dwata, deng kem tehe eles gegna ne kehedemen du yóm kngaen tekuy hlanen bè Jisas Krays. Tey kligalen bè yóm kngaen tekuy yó, hol lemwót bè kun kóyô yóm kmoen du.

Ifisus 1:5 Iomraidhean Croise

Jirimaya 3:19

Yó tehe nô bè nawahu,” mon Dwata, “yóm kmou bélê ye, lómón ke hol ngau yu. Kóyóu ke blayu kuy yóm hol tonok hyu, tonok hol knóón nfun bè klamangen benwu. Kóyóu ke taba ye dou ‘Mà’ ne là knogol ye dou.

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Matyu 1:25

Okóm song sentungóen, deng sut yóm ngaen logi. Ne yó boluy Jusif du Jisas.

Matyu 11:26

Duhen yó se, Mà, yóm kóm kóyô kehlan du.”

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Kun Snulat Luk 11:32

Bè yóm kdaw angat kkukum Dwata tau,” mon Jisas, “angat le sbung mdà bè yó se kul yó kem tau là Ju le tehe lemwót bè Ninibi, ne angat nsel le yu. Anam yó ne kul, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô knogol le yóm sidek gel nmò le. Deng wen yóm mkay senta Juna deng kól lem blóng ye bè ni, okóm deng mom henda ye.”

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.

Kun Snulat Jan 1:12

Okóm kdê yó kem tau hemmóyô du, ne hemtahu béléen tódô benlayen lu kwalis baling ngà Dwata.

Kun Snulat Jan 11:52

Okóm là són du bè kem Ju yóm gónó Jisas matay. Bud angat gotu sensotuhen lu snéen yóm kdéen tau Dwata deng sekla.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Kul Nmò 13:48

Timbow gungol yó kem tau là Ju le yóm tulón le Pol yó, ya tey kehligal le, ne tey kdóyón le ke Dwata bè yóm udélen. Ne kdê yó kem tau tehe olu Dwata eta le yóm klowil laen dù sónen, gotu le hemtahu.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

1 Kurin 1:1

Ou se Pol gónóhen lemwót nim sulat ni. Tódô lemwót bè kun kóyô Dwata yóm tehe kéléken dou mò sotu tau gel hógów Krays Jisas. Lewu me Sustinis nim nô bè ni, yóm sotu dumu tekuy setwoli.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”

Glasya 3:26

Lemwót bè yóm kehtahu ye, deng ye gotu baling ngà Dwata ne, ne deng ye ssotu bè Krays Jisas.

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Kulasi 1:19

Yakà lemwóten bè kun kóyô Dwata ke gotu gfan bè Krays yóm hol kun kmò.

2 Tisalunika 1:11

Yó gónóm mon, tey gel kni me bélê ye bè Dwata. Yó hni me anì baling hol segtón yóm kuy kmò ebè yóm tehe kun kóyô Dwata bélê ye bè yóm tehe ktabahen kuy. Dwata he hol tmóbóng kuy lemwót bè kfasangen anì gmò ye yóm kehyu kmò gel nalu nawa ye, ne yóm hyu tô nmò ye lemwót bè yóm kehtahu ye.

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

1 Jan 3:1

Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.