Ifisus 1:3 - Udél Dwata: Gna Kesfasad ne Lomi Kesfasad

³ Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Ifisus 1:3 Iomraidhean Croise

Tekang Kbuten 14:20

Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

2 Tutul Israél 31:8

Tikóng ton Hisikaya ne yó kem genlalen yóm tey luduk bong yó, tey keslamat le bè Dwata ne bè yó kem kun tau Israél.

Nihimaya 9:5

Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”

Kem Lingón 134:3

Yó hem Dwata tehe mò longit ne tonok hol tmóbóng kuy lemwót gu bè Bulul Sayun.

Kem Lingón 72:17

Yake laen dù kmifót du boluy yóm tau hol geta bélê me, ne anì laen dù tul sónen yóm któtólen, lómón yóm klaen dù tul són yóm nóng kdaw. Yóm kdéen dumu benwu, yake gotu le mni bè Dwata anì tnóbóngen lu, lómón yóm gel któbóngen yóm tau hol geta bélê me.

Kem Lingón 72:19

Hol bê tekuy lensón yóm kdóyón tekuy du, abay se tey minggel boluyen. Yake gfan bè klamangen benwu yóm tey klinggelen. Dwata he hol dmohò du nim ni!

Isaya 61:9

Angat le tey tótól bè yó kem dumu benwu. Ket tau mton kul, tódô tngón le lu se yó kem dou tau tnóbóng.”

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

Kun Snulat Luk 2:28

Timbow ton Simyun yóm ngà yó, henmung sniwihen, ne dóyónen Dwata, monen,

Kun Snulat Jan 14:20

Bè yóm kdaw bud kton ye do yó, tódô tngón ye yóm kessotu me Mà, ne angat tngón ye snéen yóm kessotu tekuy.

Kun Snulat Jan 17:21

Hol hnihu béléem anì sensotuhem kehedem le, Mà, yóm kdê le, lómón yóm kut kessotu nawa, ne anì tódô gotu ssotu kehedem tekuy. Duhe kóm, sok ton yó kem tau là hemtahuhen yóm kessotu nawa yó, hentahu le yóm khógówem dou elem benwu.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Sulat Pol Ebè Yó Kem Tau Hemtahu Bè Rom 12:5

Senged snéen bélê tekuy. Deng tekuy ssotu bè kun lówó Krays, ne tódô ket sotu bélê tekuy sal tólóng kun nmò. Ne lemwót bè yóm deng kessotu tekuy bè kun lówó Krays gónóhen wen hentngón tekuy bè yó kem dumu tekuy. Ne ket sotu bélê tekuy wen mu tekuy du kem dumu tekuy.

Sulat Pol Ebè Yó Kem Tau Hemtahu Bè Rom 15:6

anì ssotu nawa ye dmóyón ke Dwata yóm kdê ye. Du se Mà yóm gónó tekuy mogot Jisas Krays. Ne bud du snéen kun Dwata.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

1 Kurin 12:12

Ke hningónu yó kem tau hemtahu bè Krays, hol lómón ke lówó tau. Tek sotu lówóhen, okóm tey dê nô du.

2 Kurin 1:3

Hol tendo dóyón tekuy dé Dwata. Du se hol Dwata yóm gónó tekuy mogot Jisas Krays, ne bud du snéen yóm hol kun Mà. Nim Dwata monu ni, du se yóm Mà tekuy alì hulung kmodu, ne yóm Dwata tekuy alì hulung tmóbóng.

2 Kurin 11:31

Tngón Dwata ke kéngu nim deng tulónu kuy ni. Du se hol Dwata yóm gónó tekuy mogot Jisas Krays, ne bud Maen snéen. Tey laen sónen yóm kdóyónu ke Dwata.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Glasya 3:9

Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Ifisus 1:10

Yó atulen, duhen yóm gotu kessotuhen gónó le kmulu yó kem kentihen nô bè longit ne kentihen nô te tonok. Ne yó gónó le mogot, duhen Krays. Gotu nmoen nim atulen ni sok deng hto yóm butengen mò du.

Ifisus 1:17

Gele mni bè yóm Dwata alì mfasang, yóm mà Jisas Krays yóm gónó tekuy mogot. Gel hnihu béléen anì blayen kuy yóm kun Tulus mò gónó ye baling hulung hedem, ne mò hegfan du bélê ye yóm kun kmò Dwata anì hol temnù ketngón ye du.

Ifisus 1:20

bè tum tehe kehlowilen ke Krays gu lem hatay, ne yóm deng kehyónen du fi bè kwananen ditu bè longit.

Ifisus 2:6

Lemwót bè yóm deng kessotu tekuy bè Krays Jisas, deng homong Dwata tekuy ne bè yóm le klowilen du gu lem hatay, ne bud homongen tekuy snéen bè yóm deng kehegetahen du ditu bè longit mò mogot klamangen.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Ifisus 6:12

Abay se là kô tau du yóm nit tekuy sfatay, okóm yóm dê mtulus gel dók Seitan gu te kmawang. Ne wen se kfasang le mkem yóm tey kkifuhen.

Flipay 2:11

Ne kdê le se angat gotu mon du, “Jisas Krays se yóm hol gónó mogot bè klamangen.” Ne bè yóm kmon le du yóm yó, yó se gónó Dwata yóm Mà tekuy hol megdóyón.

Hibru 8:5

Yóm kul gel nmò yó kem tau gel demsù ni, tódô gel nulit le yóm tahu duhen gel nmò le bè longit. Yóm gel nmò le yó, olo olungen. Hol lómón yóm ke Musis ekni. Bè yóm kdaw kehdaen yóm Gónô Dwata gel nit le mógów, wen tulón Dwata du, yó monen, “Tódô nulitem kdê yóm deng hegfanu béléem ditu ta bulul Sinay.”Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.

Hibru 9:23

Yó kem kimu wen mu le du bè yóm kehloni le ebè Dwata, hningónen yóm tahu duhen bè longit. Ne là mólós kton Dwata kul yó kem kimu te tonok yó ke là wen litô nô ta le. Okóm bè tu dum tahu kimu Dwata bè longit, là knóónen ke olon litô ógóf hetsik le eta le. Yakà wen yóm hyu sentahen.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.