Husiya 5:3 - Udél Dwata: Gna Kesfasad ne Lomi Kesfasad

³ Ó kem tau Israél, gotu tngónu yóm kmò ye laen dù gebnos béléu. Deng ye mkél bè yóm libun hdóyón tnagaken yehenen. Deng ye gholu ne kem tau Israél.

Husiya 5:3 Iomraidhean Croise

Isaya 7:16

Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Isaya 7:17

Senged se béléem, Ahas, angat wen tey gfaem se kóm, dalang se yó kem tau nogotem ne yó kem fes lówóhem. Yóm gfà monu ni, bong sidek senta yóm tehe gfà yó kem fù ye bè yóm kdaw tehe keskó le benwu Israél yóm benwu Juda nogotem. Yó angat nmò Dwata, hógówen yóm tau hol geta bè Asirya mò gmida kuy.

Isaya 7:5

Deng wen atul nmò le yóm lewu kem tau hol geta yó.

Husiya 1:2

Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”

Husiya 13:1

Bè yóm gnan kdaw ke gel le mudél yó kem ból Ifraim, gotu le likò yó kem dumu tau Israél abay se nadat le Ifraim. Okóm yó kem ból Ifraim yó, deng le mom gemsalà lemwót bè yóm ktaba le ebè Baal ne lemwót bè yóm nmò le ni gónó le angat gotu meglà.

Husiya 13:5

Tehe tey kesgifau kuy lem yóm benwu là hyu menwu du, benwu alì mékéng.

Husiya 5:11

Yó kem tau Israél, angat le gotu meglà kesok nukumu lu abay se són nô bè nawa le tmaba ebè yó kem dwata kéng.

Husiya 5:13

Bè yóm kton kem tau Israél du yóm alì kwen des le ne ton yó kem tau bè Juda yóm alì kwen halì le, lemwót Israél mógów ebè benwu Asirya ebè yóm tau hol geta bè yó tô htóbóng béléen. Okóm laen se bang tóbóngen mò bulungen kul.

Husiya 5:9

Là hewum du kem tau Israél, kesok kól yóm kdaw ktafaku kóm, angat ye meglà.

Husiya 6:10

Deng tonu bè Israél yóm alì sidek, duhen yóm gel ktaba le ebè yó kem dwata lennged deng nmò le.

Husiya 6:4

Okóm yó udél Dwata ebélê le, monen, “Ó kem tau Israél ne kem tau Juda, tedu se kmou kuy du? Tódô gel kmanas yóm kbong nawa ye do lómón ke lobun te tonok, ke hlafus tódô kmanas ne lómón ke amù, tódô kmanas bè nóng kdaw.

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Dwata 33:17

Yóm Jusif, hol mkél bè kgis safì tudu. Yóm hangahen, mkél bè hanga yóm safì tudu alì mayal nô lem bnes. Kehlingónu du yóm hangahen yó, yó se yó kem hilu libu sfu Manasi, yóm ngaen twogu ne yó kem hilu folò libuhen sfu Ifraim, yóm ngaen twoli. Mlan bè yó kem hangahen yó, gotu snukóten yó kem dumu but benwu, gotu lohen lu efet kól bè són tonok.”

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Deng Hegfan 3:15

Yó monen, “Deng gotu tngónu se yóm gel nmò ye. Ne tngónu snéen yóm kmò knawa ye ebéléu, là se tnawen ne là se kinien. Hyu béléu ke kinì duhen ke tnaw, olo ke yóm olohen mduf.