Husiya 4:4 - Udél Dwata: Gna Kesfasad ne Lomi Kesfasad

⁴ Bud mon Dwata, “Bè yóm keglà ye ni, bê ye abay sduón, bê ye abay setdok. Ngem, yu se kem tau gel blóng ebéléu yóm dnuónu ni.

Husiya 4:4 Iomraidhean Croise

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Isikél 3:26

Ne humewu uu anì là bud bnólówem kul ni kem tau là mimón do ni.

Husiya 4:17

Deng le tahu gfét bè yó kem dwata kéng yó kem tau Israél. Tódô bayà ye lu ne, hol bê ye abay gbót bè yóm nmò le.

Amus 5:10

Tey kutó nawa ye du yóm tau gel tedeng kukumen. Bud knutó nawa ye snéen yóm tau gel tmulón tahu bè kukum.

Amus 5:13

Yó gónóm mon là bud le gudél yó kem tau hulung hedem, yakà ni du yóm kdawen alì sidek.

Amus 6:10

Ne ke wen sotu dumu le mógów elem gónô mò ma lówó yó kem deng matay anì ntemen bè lewà, tmaba yóm tau yó ebè yóm sotu tau tolo mowil lem gónô, monen, “Tolo wen dù tau nô béléem bè yó kô?” Ne yó balaen du yóm sotu dù mowil, monen, “Laen duen.” Ne yó angat mon yóm tau tmaba, “Béi mudél, hol bê te abay bnoluy yóm boluy Dwata.”