Husiya 4:3 - Udél Dwata: Gna Kesfasad ne Lomi Kesfasad

³ Yó se but gónón laen dù bud kligal yóm tonok ye, gónón là bud tembas. Yóm kdéen tau mowil tahen, hono wen des hlós hatay le. Balù yó kem ógóf lem bnes ne kem onuk koyu ne kem utón él, deng nbut le hlana.”

Husiya 4:3 Iomraidhean Croise

Isaya 33:9

Yóm klamang tonok tehe gónó le mò nmò, laen dù bud tonem hulu tahen. Yó kem tey dlag bè Libanun deng le gotu menes. Yóm tey datal tilob mò du hulu bè Syaron, deng baling benwu là hyu menwu du. Ne yó kem dlag bè Basan ne bè bulul Karmél, gotu tbó doun le lemwót bè kenes le.

Jirimaya 12:4

Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Jirimaya 23:10

Abay se yóm benwu yó hono tau smamuk. Yó se gónó Dwata tmafak du yóm tonoken. Deng tódô mékéng yóm gónó le gel hótób ógóf hol lómón ke langag se kun yóm tonok. Abay se yó kem tau tugod Dwata, hono sidek yóm nmò le ne sidek kwit le du yóm kfasang le.”

Jirimaya 9:10

Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Jirimaya 9:9

Mone là tnafaku kul kô bè yóm nmò le ni? Mone là angat bnelesu kul kô ni kem tau lómón ni kmò le?” mon Dwata.

Juwél 1:18

Yó kem ógóf, sónmò le dmolong lemwót bè kbitil le, dalang se yó kem safì, olo le tendo mógów hekawang laen kô dù bang nótób le. Balù yó kem ubiha, tey keglayam le se kul.”

Amus 1:2

Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Amus 5:16

Duhen yó, ni se udél yóm Dwata laen dù là gbeken du, monen, “Angat wen mngawóy bè yó kem plasa le ne mkik bè kdê yó kem lan lem syudad. Balù yó kem tau mò hulu, tódô tnaba le lu mò modung, slomong le bè yó kem tau gel bnayad mò modung.

Amus 8:8

Angat megsinsig yóm benwu le lemwót bè yóm sidek gel nmò le ne gotu le langag yó kem tau menwu tahen. Lemwót bè yóm tey linol, tódô lemnok eta yóm tonok bè klamangen benwu le, lómón yóm Él Nayl bè Idyip ke bangen dmunuk. Bè yóm bud kegsinsig yóm tonok yó, ominen bud mnà elaan.

Nahum 1:4

Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Sifanaya 1:3

Angat gotu himot genlau kdéen tau ne kdéen ógóf. Tódô himot genlau snéen yóm kdéen onuk koyu dalang se yó kem utón él lem mohin. Ne gotu hlanahu lu yóm kdéen tau gel mò sidek. Himot genlau kdéen tau talak tonok, balù sotu ke wen hlowilu.”

Sikaraya 5:4

Ne yó udél yóm Dwata laen dù là gbeken du, monen, Yóm hmulà ni, hwitu ebè ket gónô yóm kdéen tau mnagaw ne ebè ket gónô yóm kdéen tau gel smafà kéng hlan le bè boluyu. Yóm hmulà ni, eles nô bè yó lem gónô le efet deng gotu sidek yóm gónô le yó, gomong koyuhen kkólen bè kem botuhen.”