Husiya 4:2 - Udél Dwata: Gna Kesfasad ne Lomi Kesfasad

² Gel ye hemmulà ne mò kéng ne monok, lel ye mnagaw ne mdà yehen. Tendo wen sfatay bè klamang benwu ye ne tódô sogot tau sbonok.

Husiya 4:2 Iomraidhean Croise

Tekang Kbuten 4:8

Sotu kdaw bè yó, mon Kain mò ke Abél yóm twolihen, “Na te slomong ebè tniba dé kemdaw ni.” Tahu se. Tikóng le deng kól ditu bè tniba, tódô kento Kain demlu yóm twolihen ne hnatayen.

Husiya 11:12

Yó udél Dwata, monen, “Deng le tódô gotu slibut do yó kem tau Israél gel mò kéng béléu ne gel smukat do. Ne yó kem tau bè Juda tolo lel le he matù do, yóm Dwata alì mólós ne teneb bélê le.” Là gomongen bè nili yóm tsaptér 12. Yó tulónen bè yóm tsaptér ni yóm bud kbólów. Yóm heftulón Husiya bè nawa le yóm tehe nmò yóm tehe fù le Jakub ekni, hulung smukat se kun. Okóm yóm Jakub, kóyóen ke hol tngónen Dwata ne ke nuyag Dwata. Yó nmoen, heglaan bè Dwata ne hotuhen nawahen mimón du. Kóyô Husiya bè yó kem tau Israél ke hol lolò le yóm tehe nmò yóm tehe fù le Jakub, yóm keheglaanen knóen bè Dwata ne yóm khotuhen nawahen mimón du. Dwata malak ne kemlung yó kem tau Israel efet kól bè kdê lugod le, bede yó balà le du yóm là kimón ne kegsalà ne yóm katù le du.

Husiya 5:2

Deng wen tey sol nelem nokol ye ditu bè Akasya mò alu ye kul. Okóm hol bê ye abay klifót, angat gotu tafaku kuy yóm kdê yó kem deng nmò ye.

Husiya 6:8

Yóm syudad Gilyad bè Israél, syudad gónón smala salà ne gónón alì dê tau monok.

Husiya 6:9

Yó nmò yó kem tau blóng ebéléu, deng le mom baling tau temmón mnagaw, sónmò le hmékét tau mò hnatay le bè yóm lan ebè Sékém, gónó le gel tmaba ebéléu.

Mika 3:2

Okóm deng kenbê ye yóm tedeng, mom henlom nawa ye yóm sidek. Hol lómón ke nukét ye matak yó kem dou tau ne hnélé ye yóm unged bè tiol le.

Mika 3:9

Ó kem tau malak bè Israél, ni mò hol hnungol ye. Deng mom kenbê ye yóm kukum tedeng ne henbaling ye sigol yóm tedeng.

Sifanaya 3:1

Yó udél Sifanaya, monen, “Angat tey sidek kegbaen yóm syudad Jirusalim. Hono kem tau là mimón ke Dwata yó kem tau nô lemen. Hono tau tendo gel mò sidek, balù kul kwen gel hen-gnok le.

Sikaraya 5:3

Ominen mon du mò do yóm hógów Dwata yó, “Deng snulat lem nim klatas mból ni yóm hmulà Dwata yó kem tau bè klamang benwu Juda. Snulat bè doli yóm klatas yó, angat gotu hdó Dwata lu bè yóm benwu ni yóm kdéen tau mnagaw ne bud snulat bè dolihen, angat gotu hdóhen lu snéen bè yóm benwu ni yóm kdéen tau smafà kéng.

Sikaraya 7:9

“Ni se udél yóm Dwata laen dù là gbeken du. Hol nwit ye yóm kukum tedeng. Hegfan ye yóm kkodu ye yó kem dumu ye.

Matyu 23:35

Yó angat guta ye du yóm nmò ye yó, gotu duón Dwata kuy yóm tehe katay le bnonok yó kem tau tedeng kmò le, lemwót bè katay Abél bnonok, yóm tau alì tedeng kmoen, efet kól bè yóm kbonok le ke Sikaraya yóm tehe ngà Berakiya. Tódô kem hnatay le igoen tolo mógów lem blóng yóm Gónô Dwata ne yóm gónó le gel demsù ebè Dwata.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Dwata 5:11

Bê ye tódô fà moluy du yóm dou boluy. Yakà ou du yóm sana kuy Dwata hol gónó mogot. Tnafaku yóm tau tódô faen moluy du yóm dou boluy.

Dwata 5:18

Bê ye abay mdà yehen.

Dwata 5:19

Bê ye abay mnagaw.

1 Tisalunika 2:15

Yó kem Ju hmayam kul yó, lu se yóm tehe hmatay ke Jisas yóm gónó tekuy mogot ne yó kem tau tmugod ke Dwata, ne bud lu se yóm gel hemsidek kum. Laen kô dù gónó le hefligal ke Dwata yó kem tau yó, mom hnohon le yó kem dumu le tau.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.