Husiya 4:1 - Udél Dwata: Gna Kesfasad ne Lomi Kesfasad

¹ Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Husiya 4:1 Iomraidhean Croise

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Kem Lingón 81:9

Hol béen abay wen dwata lennged tnaba ye. Hol bê ye abay mtud bukol bè yó kem dwata kéng.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Isaya 28:14

Yu kem tau heklabak malak yó kem tau bè ni bè Jirusalim, hol hnungol ye yóm udél Dwata ebélê ye.

Isaya 5:3

Yó udél yóm weu, monen, “Yu kem tau menwu bè Jirusalim ne bè benwu Juda fen knukum ye do dé yó kem huluhu.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Isaya 59:8

Balù sotu ke wen tau menek nawahen ke nô ye lem blóng le, abay se là tedengen yóm kdê gel nmò ye ne là se tedengen yóm lan lolò ye. Ke wen tau lemolò du yóm kuy lan yó, bà udì ke wen kenek nawahen.

Jirimaya 11:7

Bè yóm tehe kwitu kul hewà gu bè Idyip yó kem tehe fù ye, tendo eles gel hegbelu bè nawa le yóm kimón le do. Ne senged se bélê ye ni kmoen ni, tendo eles hegbelu bè nawa ye.

Jirimaya 19:3

Yó tulónem kul, monem, ‘Yu kem tau hol geta mogot yóm benwu Juda ne yu kem tau bè Jirusalim, hol hnungol ye yóm udélen ebélê ye ni yóm Dwata laen dù là gbeken du, yóm sana kuy Dwata kem tau Israél. Yó udélen ebélê ye, monen, angat wen tey glumfak bong hwitu ebè nim benwu ni, anì yó kdê yó kem tau mungol du nim nmou ni, angat le tódô gotu teneng.

Jirimaya 2:4

Ó kem tau Israél kem tau sfu Jakub, hol hnungol ye yóm udélen ebélê ye Dwata.

Jirimaya 2:9

Yó gónóm mon angat nwitu yu bè kukum, ngangu dmuón kuy efet kól bè yó kem angat lugod ye. Ou se yóm sana Dwata hol gónó mogot nim mudél ni.

Jirimaya 34:4

Okóm, Sidikaya yóm tau hol geta mogot yóm benwu Juda, hol hnungolem yóm fasad Dwata kóm, monen, ‘Là kói matay bè gida se kóm,

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

Jirimaya 7:28

Hol tulónem kul, monem, ‘Ni se sotu but tau là kô na le e nimón du yóm sana kul Dwata hol gónó mogot. Là kô le móyô ke wen tô semtódô kul. Deng lana lem blóng le yóm ktahuhen, là kô bud gungolem du btang bè sumóng le.

Jirimaya 9:20

Yó bud udél Jirimaya, monen, “Yu kem libun, hol hnungol ye yóm kun udél Dwata, hol henklingu ye yóm udélen ebélê ye. Tolok ye lu langag yó kem ngà ye libun ne bud tolok ye lu lemanu yó kem wè ye.

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Jirimaya 9:7

Duhen yó, ni se udél yóm Dwata laen dù là gbeken du, monen, “Lemwót bè yóm nmò le ni, gotu hnou lu, lómón yóm gel kehnò le bala tók anì mkó yóm kê faken. Laen dù dumu lanu hkó du yó kem salà le.

Husiya 5:1

“Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

Husiya 5:4

Yó kem sidek tendo gel nmò ye, yó se gel hemseng kuy mulék ebè yóm kuy Dwata. Yóm nawa ye, hol lómón ke nawa yóm libun hdóyón, là bud tngón ye du ne yóm sana kuy Dwata hol gónó mogot.

Juwél 1:2

“Ó kem tuha gel malak, hol hnungol ye nim ni. Henklingu ye se kuy, yu kem kdéen tau menwu bè nim benwu ni. Yóm klawi ye tau, deng wen kô gfà ye lómón nim sut bélê ye ni, duhen ke deng wen gungol ye lómónen ni bè yóm tehe kul kdaw yó kem tehe fù tekuy ekni? Laen duen.

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

Amus 7:16

Duhen ni, hol hnungolem yóm udél Dwata. Gel monem, ‘Béen wen tugodem gbak ebè benwu Israél. Béen wen tulónem gbak eta yó kem tau Israél yóm kun sfu Isak.’

Mika 6:2

Ne yu kem bulul ne begel tonok lemwót bè hol kbuten ne laen kô dù tul sónen, hnungol ye yóm tifù Dwata yó kem tauhen. Wen tey tifù Dwata kul yó kem kun tau Israél.

Kun Snulat Jan 8:55

Okóm là kô deng tngón ye du. Fen tngónu dou. Ke tô monu là tngónu du, denge mkél bè yóm kmò ye kéng. Hol tahu tngónu dou, ne tendo nimónu.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Deng Hegfan 2:11

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, là kô gnóm le du yóm tafak laen dù sónen lem lanaw ofi, yóm gel mon le gewuhen dulék matay tau.”

Deng Hegfan 2:29

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”