Husiya 3:4 - Udél Dwata: Gna Kesfasad ne Lomi Kesfasad

⁴ Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

Husiya 3:4 Iomraidhean Croise

Tekang Kbuten 31:19

Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Tekang Kbuten 31:34

Blaem yóm dwata lennged yó, deng sana bnos Rakél lem yóm sning nô bè syà kamélen ne yó nmoen, myón tahen. Tódô gotu snisif hnebel Laban gu lem tolda Rakél okóm là kô tonen du.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

2 Samwél 6:14

Tódô hotu Dabid gelen madal bè solu Dwata, leseken yóm nes bukay gel lesek yóm tau gel blóng ebè Dwata boluyen ifod.

2 Bok Kem Tau Hol Geta 23:24

Yó bud nmò Jusaya bè Jirusalim ne bè klamang Juda, gotu kóhen yóm kdéen tau mton bù, kem tau demwata, ne yó kem dwata lennged gel sù le lem gónô le ne yó kem dumu dwata lennged gónó le tmaba, gotu kóhen lu. Yó gónóhen mò du nim ni lanen mimón yóm hlau deng snulat lem yóm bok ton Hilkaya yóm tau blóng ebè Dwata lem Gónô Dwata.

2 Tutul Israél 15:2

Yó nmoen, senlongen Asa yóm tau hol geta, bè yóm kkólen gu bè gida, hgelen udélen monen mò du, “Hnungolem ou, ne yu kem sendalù Juda ne Bindyamin. Tendo nô bélê ye Dwata ke henek ye béléen. Ke hnebel ye, angat henmóyóen yu. Okóm ke tebel ye, angat tebelen yu se kun.

Danyél 12:11

Tódô lemwóten bè yóm kdaw kwen hemseng du yóm gel kedsù ye ebè Dwata, yóm kdaw kehdà le lem yóm kun Gónô Dwata yóm dwata kéng alì sidek bè yó, yó kegen ye alì mò du glayam botong lemibu lewu latu syóm folò (1,290) kdaw.

Danyél 9:27

Yóm tau mogot benwu angat sut yó, angat wen tey senfasad le yó kem tau lem yóm benwu yó lem yóm hitu halay, hol kesfasad mget. Okóm hanà tolo sóól yóm hitu halay, nmoen sónen yóm gel kedsù le ebè Dwata yó kem tau ne yó kem dumu gel blay le du. Yóm alì sidek bè kdê yóm gel nmò yóm tau angat sut yó, mom hdaen bè yóm Gónô Dwata yóm alì sidek bè yó efet yóm kkok Dwata etahen yóm tafak mò hol gemlà du, yóm deng eles olu Dwata etahen.”

Husiya 13:10

Gónóhen nô de yóm tau hol geta bélê ye anì du lemwà kuy? Dalang se yó kem genlal bè benwu ye, nô se lu du anì tnóbóng le yu? Tehe hni ye lu béléu se mò malak kuy.

Husiya 13:11

Igou tehe lembut bè yóm kni ye yó, igoen wen kem tau hol geta blayu kuy. Ne lemwót bè utó nawaw kuy, bud kóhu lu lem blóng ye.

Husiya 2:11

Angat nmou sónen yóm kdê kestifun gel nmoen, yóm gel kehligalen ket halay, yóm gel kehligalen ket bulón bè yóm ksut yóm lomi bulón ne yóm gel kehligalen ket fedyan bè Kdaw Kehegnô kkólen bè yó kem dumu kdawen gel hligal, angat lensónu.

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.

Sikaraya 13:2

Ne bud bè yóm kdaw yó, angat gotu hlanahu bè benwu Israél yóm kdéen dwata kéng gel tnaba le, anì laen dù bud hemtulón nawa kul balù boluy le. Gotu kóhu snéen yóm kdéen tmugod bè dwata kéng ne yó kem tulus sidek gel lolò le.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Kun Snulat Jan 19:15

Omin le gotu bud hetê, mon le, “Hfatayem. Hfatayem. Htutukem bè kros.” Mon Paylét se, “Htutuku bè kros kô yóm tau hol geta bélê ye?” Mon le se, “Laen kô dù tau hol geta bélê me són Sisar.”

Hibru 10:26

Ke deng tngón tekuy yóm ktahuhen lemwót gu bè Dwata, okóm sentahen bè yó tódô henlel tekuy mò du yóm sidek, laen kô dù bud dsù tekuy mò hkó du yó kem salà tekuy.

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.

1 Samwél 14:3

Sotu bè yó kem tau mung ke Sol duhen Ahidya, tau gel blóng ebè Dwata leseken yóm nes bukay ukol boluyen ifod. Yóm Ahidya ngà Ahitub dumun setwoli Ikabud. Yóm Ahitub ngà Finihas témê Ili yóm tau tehe gel blóng ebè Dwata bè Silu. Laen dù bélê le temngón du yóm deng kewót Junatan.

1 Samwél 15:23

Yóm smonol ke Dwata hol lómón ksideken yóm gel nmò yóm tau mton bù. Ne yóm keheklabak hol lómón ksideken yóm tau tmaba ebè dwata kéng. Duhen yó, lemwót bè yóm deng kekbéem yóm hmò Dwata kóm, gónó Dwata kembê kóm mò tau hol geta.”

1 Samwél 2:18

Okóm ke Samwél kun, tolo ngà he bede du se tóbóng lówó Dwata. Leseken yóm nes ifod gel lesek yóm tau blóng ebè Dwata.Yóm nes tahà gel leseken, tódô ket halay yéen mò du béléen ne nwiten ebéléen bè yóm gel kmungen ke yehenen demsù ebè Dwata.

1 Samwél 21:9

Yó balà Ahimélék du, monen, “Són olo nô béléu són sudeng Gulayat yóm Flistin tehe hnatayem bè Datal Ila. Yó hnunges nes, nô sentu yóm nes ifod gel lesek yó kem tau blóng ebè Dwata. Ke móyói nwahem abay se laen dù bud dumu ngom sfatay bè ni.” Mon Dabid se, “Blayem do sen. Laen dù bud dumu sudeng ke mkél bè nim sudeng ni.”

1 Samwél 22:18

Omin yóm tau hol geta mdók ke Dóg, monen, “Yó ne uu hmatay kul.” Tahu se, beklil Dóg ne gotu hnatayen yó kem tau blóng ebè Dwata yó. Bè yóm kdaw yó, botong wolu folò limu tau blóng ebè Dwata hnatayen, igò le tolo lemsek yóm nes kul gel lesek yó kem tau gel blóng ebè Dwata.

1 Samwél 23:6

Bè yóm klóy Abyatar yóm ngà Ahimélék ebè Dabid, eles nwiten yóm ifod gónó le gel smólók ke Dwata. Bè yóm kmungen ke Dabid ebè Kila, deng bud eles nwiten yóm ifod yó.

1 Samwél 23:9

Okóm tikóng tngón Dabid yóm katul Sol du yó, yó monen mò ke Abyatar yóm tau blóng ebè Dwata, “Nwitem edini yóm ifod anì tngón te yóm kóyô Dwata bélê te.”

1 Samwél 30:7

Omin Dabid mudél ebè Abyatar yóm tau gel blóng le ebè Dwata, monen mò du, “Nwitem do edini yóm nes ifod gónó tekuy temngón du yóm kun kóyô Dwata.” Tahu se, nwit Abyatar ebéléen.