Husiya 2:4 - Udél Dwata: Gna Kesfasad ne Lomi Kesfasad

⁴ Ne yó kem ngaen, là kô kenbong nawahu kul abay se hono le kem ngà gu laan, là dou ngà du.

Husiya 2:4 Iomraidhean Croise

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

Husiya 1:2

Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”

Husiya 1:6

Là legenen bè yó bud mlutut Gumér ne mngà libun. Ne yó mon Dwata mò ke Husiya, “Boluyem du Lo-ruhama yóm ngà sut yó abay se là bud knoduhu kul ne yó kem tau Israél ne là se kô hnifótu yó kem salà le.

Husiya 5:7

Abay se là kô le henek bè Dwata. Là kô ke Dwata du funen yó kem ngà le, tódô ngà le hkawang. Duhen ni, lemwót bè yóm ktaba le ebè dwata kéng gónó le meglà, gomong tonok le.

Sikaraya 1:12

Bè yóm kungolen du yóm tulón le du yó, yó nmoen mni bè Dwata, monen, “Ó Dwata, yóm Dwata laen dù là gbeken du, deng hitu folò halayen ni ne yóm tendo kebutem du yóm syudad Jirusalim ne yóm benwu Juda. Kegenen de yóm alì kebutem ni efet bud knoduhem lu?”

Kun Snulat Jan 8:41

Yóm nmò ye béléu ni,” mon Jisas, “deng dnalang ye bè yóm kuy mà.” Bnalà le Jisas, mon le, “Bang tô dumu Mà me se kum du, tek són sem Dwata. Mi se hol tahu ngaen.”

Sulat Pol Ebè Yó Kem Tau Hemtahu Bè Rom 11:22

Bè yó gónó tekuy mton du yóm tey kkodu Dwata tau, ne yóm tey ktafaken kul. Tnafaken yó kem tau là hemtahuhen. Okóm tey knoduhen yu, syan ke là monolen yóm kehtahu ye. Okóm ke snonol ye, angat bud ntoken yu snéen kuy.

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Sulat Jim 2:13

Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.