Husiya 2:3 - Udél Dwata: Gna Kesfasad ne Lomi Kesfasad

³ Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.

Husiya 2:3 Iomraidhean Croise

Kehewà 17:3

Okóm yó kem tau tey kleeng le, tódô henlós le tendo mò du yóm tmalaw ebè Musis. Yó mon le, “Moen de ke tehe nwitem mi gu bè Idyip? Ilóem tô hnatayem mi ne yó kem ngà me ne yó kem ógóf me bè kleeng?”

Isaya 33:9

Yóm klamang tonok tehe gónó le mò nmò, laen dù bud tonem hulu tahen. Yó kem tey dlag bè Libanun deng le gotu menes. Yóm tey datal tilob mò du hulu bè Syaron, deng baling benwu là hyu menwu du. Ne yó kem dlag bè Basan ne bè bulul Karmél, gotu tbó doun le lemwót bè kenes le.

Isaya 64:10

Yó kem kóm syudad, hol lómón ke deng le baling benwu là hyu menwu du. Yóm Jirusalim, deng gotu gbà, laen dù bud tau nô lemen.

Jirimaya 14:3

Yó kem tau wen kendengen le, dók le yó kem tóbóng lówó le anì na le e mebel él. Tahu se, mógów le ebè yó kem kokol, okóm laen kô dù bud él ton le. Bud nit le mulék laen dù lem yó kem tô nlem le. Tey sidek kegnóm le du ne tey kesbeweg le, botong lenimun le kulu le lemwót bè yóm sidek kegnóm le du.

Jirimaya 17:6

Hol mkél bè yóm koyu lefungu mteg bè yóm benwu laen hol wen tauhen. Mteg bè yóm tey tonok mékéng, tonok wen khééten, balù udì ke wen mowil du. Ke lómón yó yóm tau, laen dù bud nefet nawahen.

Jirimaya 2:31

Ó kem tau Israél, hol hnungol ye nim udélu ebélê ye ni, udél yóm sana kuy Dwata hol gónó mogot. Deng lómó kmou ebélê ye kô lómón ke ou yóm benwu là hyu menwu du hlós wen gónó ye élél du? Lómón ke ou kô yóm benwu alì mget kkifuhen, là ton ye du lan ye? Ke là tahuhen se yó, moen de ke mom mon ye là bud ye gfét béléu ne, ne là bud ye móyô semfulék ebéléu?

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Jirimaya 22:6

Yó udél Dwata gbak ebè yóm gónô bong yóm tau hol geta bè Juda, monen, “Yóm ktilobem, hol lómón ktilob yóm tonok Gilyad ne lómón ktilob yó kem dlag bè yó kem bulul Libanun. Okóm angat genlau uu ne laen kô dù bud tauhem.

Husiya 13:15

Anien ke lómón klobung kluon yóm Israél, okóm angat hwitu ebélê le yóm lenos kinì gu bè yóm benwu là hyu menwu du fi gu dmata kdaw anì gotu kti yó kem tbul él ne yó kem kokol le. Angat gotu negef yó kem hohon le yó kem kimu mebtes deng henyu le.

Husiya 2:10

Angat tódô hdau là lemwék bè gónón wen, igò le temngel du yó kem tehe gel hemdóyón du. Ne laen kô bang tô gembek lemwà du lem tdoku.

Deng Hegfan 17:16

Lemwót yóm lóbô yó ne yó kem sfolò hangahen, angat knutó nawa le yóm libun hdóyón. Tódô nwa le béléen kdê ngomen dalang se kdê nesen, tódô tebel le laen dù nes. Angat tódô gotu ken le ungeden, ne gotu bot le elem ofi tiolen.

Kmukum 15:18

Tódô gefet bè Samsun yóm tey sidek kleengen, ominen tmaba ebè Dwata, monen, “Ó Dwata, deng tey kehegmoem do, okóm ni denge tô matay lemwót bè ksidek kleengu ne angat kenfô le o ni kem Flistin là temngón kóm nii.”