Husiya 2:2 - Udél Dwata: Gna Kesfasad ne Lomi Kesfasad

² “Okóm ni, kem ngau hol ye hkodu bè yê ye, abay se là bud yehenu du ne là se bud yehenen do se kun. Henkodu ye béléen anì olò tenfloken yóm tendo kehdóyónen. Olò kóhen ne yóm dê suen lem uyóhen dalang se yóm nes hemyak knô gel leseken.

Husiya 2:2 Iomraidhean Croise

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Jirimaya 19:3

Yó tulónem kul, monem, ‘Yu kem tau hol geta mogot yóm benwu Juda ne yu kem tau bè Jirusalim, hol hnungol ye yóm udélen ebélê ye ni yóm Dwata laen dù là gbeken du, yóm sana kuy Dwata kem tau Israél. Yó udélen ebélê ye, monen, angat wen tey glumfak bong hwitu ebè nim benwu ni, anì yó kdê yó kem tau mungol du nim nmou ni, angat le tódô gotu teneng.

Jirimaya 2:2

“Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Jirimaya 3:13

Són olo nmò ye, hol henmóyô ye yóm deng kegsalà ye. Hen-gsel ye yóm deng kkogol ye dou, yóm sana kuy Dwata hol gónó mogot ne yóm deng kdà ye do lan ye gel tmaba ebè yó kem dwata lenbù nmò ye laan yó kem koyu lembang. Hen-gsel ye yóm là bud klolò ye do.’ Ou se yóm sana kuy Dwata hol gónó mogot nim mudél ni.”

Jirimaya 3:18

Bè yóm kdaw yó, angat le slomong mulék yó kem tau tehe lemwót bè Juda ne yó kem tau tehe lemwót bè Israél, mulék le gu bè yóm benwu fi bwak tehe gónó le e megef kul. Gotu le mulék edini eta yóm tonok tehe fasadu yó kem fù le ekni mò hlós nfun le.

Husiya 1:2

Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”

Husiya 2:1

“Bè yóm kdaw yó, yó angat taba ye yó kem dumu ye setwoli logi Lo-ammi, ‘Dou tau.’ Ne yó angat taba ye yó kem dumu ye setwoli libun Lo-ruhama ‘Yó kem kenbong nawahu.’ ”

Husiya 2:5

Abay se yóm yê le, libun hdóyón deng tódô mlutut hkawang, laen kô dog yaken. Yó tehe gel monen, ‘Mebele kem logi hemdóyón do, hbaluu knóu bélê le mò lanu bè kkenu ne bè kinumu, ne bè knesu yó kem nes mfól ne nes bukay mebtes ne mò lanu bè hnolo ulib.’

Husiya 4:5

Yó tafaku kuy, tendo ye tlokob kemdaw lómón yóm gel ketlokob ye ke kifu ne gotu le gomong tlokob bélê ye yó kem tugodu. Angat genlau Israél yóm yê ye.

Mika 2:13

Angat hennas Dwata yóm lanen mit kul hewà gu bè yó kem benwu gónó le tehe e megef kul. Angat nwiten lu hewà gu bè yóm bak tikeb yóm syudad yó anì mulék le ebè yóm hol kul benwu. Yóm geta bélê le, duhen yóm sana Dwata hol gónó mogot, du se yóm tukô gna kul.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.