Husiya 2:1 - Udél Dwata: Gna Kesfasad ne Lomi Kesfasad

¹ “Bè yóm kdaw yó, yó angat taba ye yó kem dumu ye setwoli logi Lo-ammi, ‘Dou tau.’ Ne yó angat taba ye yó kem dumu ye setwoli libun Lo-ruhama ‘Yó kem kenbong nawahu.’ ”

Husiya 2:1 Iomraidhean Croise

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Jirimaya 32:38

Lu se mò dou tau ne ou se mò kul Dwata.

Isikél 36:11

Angat tey kehwenu kul yó kem tau nô ta ye, kkólen bè yó kem ógóf tey bud kehwenu kul. Ó kem bulul bè Israél, angat tey tau wen mowil ta ye ne tey bud któbóngu kuy senta yóm gnan. Bè yó he gónó ye temngón du ou se yóm sana Dwata hol gónó mogot.

Isikél 36:28

Ne angat ye nô bè Israél, yóm benwu tehe blayu yó kem tehe fù ye ekni. Angat ye baling mò dou tau ne ou se baling Dwata ye.

Isikél 37:27

Tódóe nô lem blóng le. Ou se mò kul Dwata ne lu se mò dou tau.

Husiya 2:2

“Okóm ni, kem ngau hol ye hkodu bè yê ye, abay se là bud yehenu du ne là se bud yehenen do se kun. Henkodu ye béléen anì olò tenfloken yóm tendo kehdóyónen. Olò kóhen ne yóm dê suen lem uyóhen dalang se yóm nes hemyak knô gel leseken.

Husiya 2:23

Bè yóm kdaw yó, hol lómón ke huluhu lu yó kem tau Israél ta yóm dou tonok mò hol dou nfun. Yó kem tau tehe bnoluyu ‘Là kenbong nawa’ hol hegfanu bélê le yóm kbong nawahu kul. Ne yó kem tau tehe bnoluyu ‘Là dou tau du’ yó se angat monu mò kul, ‘Yu se kem dou tau.’ Ne yó se kul balà do, mon le, ‘Uu se yóm kum Dwata.’ ”

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

2 Kurin 4:1

Lemwót bè yóm tey kodu Dwata kum, yó gónón smigang du ta me yóm hmoen kum ni, ne yó gónó me là tmakas mò du.

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

1 Pitér 2:10

Tehe yu ekni, là kô ye tau Dwata se kuy, okóm ni kmoen ni, deng ye baling kun tau ne. Tehe là tngón ye du yóm kkoduhen kuy, okóm ni kmoen ni deng tngón ye ne.