Husiya 13:3 - Udél Dwata: Gna Kesfasad ne Lomi Kesfasad

³ Yó gónóm mon angat le gotu lana ni kem tau ni lómón lobun ke hlafus, tódô kmanas ne lómón ke amù, tódô lana bè nóng kdaw ne lómón ke ubek holis bè lenos, là bud tonem du ne lómón kebel ofi tódô lana.

Husiya 13:3 Iomraidhean Croise

Kem Lingón 1:4

Okóm tólóng kul yó kem tau gel mò sidek. Yó gónó te e hmingón kul, hol lómón ke kafa halay, gotu le gmung holis bè lenos.

Kem Lingón 68:2

Hol gotu lohem lu, lómó kmoem kul, lómón ke kebel nyuf lenos. Lómón yóm tolu mnò bè ofi, hol lómón yó se keglaem kul bè soluhem yó kem tau gel mò sidek.

Danyél 2:35

Lemwót bè yóm gotu klusok yóm hólól tihen, tódô msulék tbó se lówóhen, tódô gotu sulék lemusok kdéen. Yóm bala tók ne tonok miket ne tembaga ne blówón bukay ne tahu blówón nô bè yóm lennged yó, gotu lemusok lómón kafa halay bè gónó kmusu, tódô gotu mung holis bè lenos, balù udì ke wen bud tebel du. Okóm yóm botu tódô te hólól tihen yó, deng mom baling bulul alì geta, tódô lenngeben klamang benwu kbongen.

Husiya 6:4

Okóm yó udél Dwata ebélê le, monen, “Ó kem tau Israél ne kem tau Juda, tedu se kmou kuy du? Tódô gel kmanas yóm kbong nawa ye do lómón ke lobun te tonok, ke hlafus tódô kmanas ne lómón ke amù, tódô kmanas bè nóng kdaw.

Sifanaya 2:2

Hegsel ye dé, yóm gu laan ye là deng holis bè lenos lómón kafa halay, yóm gu laanen là deng kmukum kuy Dwata, yóm gu laanen là deng sut bélê ye bè yóm alì ksidek kebuten kuy, yóm gu laanen là deng sut bélê ye bè yóm kdaw kehtonen yóm alì kebuten.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.