Husiya 1:9 - Udél Dwata: Gna Kesfasad ne Lomi Kesfasad

⁹ Ne yó mon Dwata mò ke Husiya, “Boluyem du Lo-ammi yóm ngà sut yó, abay se là do tau du yó kem tau Israél ne là se kô ou du yóm kul Dwata.

Husiya 1:9 Iomraidhean Croise

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Jirimaya 20:3

Tikóng hayahen bè yó, omin Pasyur hewà du. Ne yó udél Jirimaya ebè Pasyur, monen, “Là bud Pasyur du ne boluy Dwata kóm. Yó tles boluyen kóm, ‘Tau sónmoen tendo likò.’

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Husiya 1:8

Timbow senkó Gumér tmutù Lo-ruhama, bud mlutut ne mngà logi, yó se deng gewu ngaen logi.

Husiya 2:23

Bè yóm kdaw yó, hol lómón ke huluhu lu yó kem tau Israél ta yóm dou tonok mò hol dou nfun. Yó kem tau tehe bnoluyu ‘Là kenbong nawa’ hol hegfanu bélê le yóm kbong nawahu kul. Ne yó kem tau tehe bnoluyu ‘Là dou tau du’ yó se angat monu mò kul, ‘Yu se kem dou tau.’ Ne yó se kul balà do, mon le, ‘Uu se yóm kum Dwata.’ ”