Husiya 1:7 - Udél Dwata: Gna Kesfasad ne Lomi Kesfasad

⁷ Okóm yó kem tau bè Juda, angat hegfanu bélê le yóm kkoduhu kul. Tódô ou angat lemwà kul lem tdok yó kem hohon le, bede là mlanen bè gida ne là mlanen bè boho le duhen ke bè sudeng le. Là mlanen bè yó kem tey kudà le duhen ke bè yó kem sendalù smakay kudà, bede mlan bè yóm dou kfasang yóm sana kul Dwata hol gónó mogot.”

Husiya 1:7 Iomraidhean Croise

2 Bok Kem Tau Hol Geta 19:29

Omin Isaya mon du mò ke Hisikaya, “Ni mò ilóem du yóm kofin Dwata yóm syudad Jirusalim bè yóm tau hol geta bè Asirya. Bè nim halay ni, són ken ye yóm hulu tódô tmowok. Ominen halay hulin, són ken ye yóm hulu bud huli tmowok bè yó. Okóm bè yóm getluhen halay, angat wen hulu ye, ne angat wen nuta ye. Mulu ye grép, ne angat gken ye bunguhen.

2 Bok Kem Tau Hol Geta 19:34

Nofinu yóm syudad ni mò gónóhu megdóyón ne mò gónóhu hemdohò yóm tehe fasadu ke Dabid yóm tau tóbóng lówóhu.”

2 Bok Kem Tau Hol Geta 19:35

Bè yóm kifu yó, wen hógów Dwata gu bè longit ebè kamfù yó kem tau Asirya, botong lematu wolu folò limu libuhen tau hnatayen. Bè yóm kebtik le hlafus yó kem sendalù Asirya dù mowil, ton le deng tódô hgasà tau matay bè klamang kamfù le.

2 Bok Kem Tau Hol Geta 6:18

Yóm igò le hemlel mundug yó kem sendalù Aram, bud mni bè Dwata Ilaysa, monen, “Ó Dwata, hol hbutóem lu.” Tahu se, bnalà Dwata yóm hni Ilaysa, gotu hbutóen lu.

Kem Lingón 33:16

Là kô yó du gónón gemmò bè gida yóm tau hol geta mogot benwu ke mlan bè kgis yó kem sendaluen. Senged se yóm sendalù, là lemwóten bè kun kgis gónón gemmò se kun.

Kem Lingón 44:7

Okóm uu se, Dwata, hegmò kum bè yó kem hohon me. Uu se hemyak yó kem tau kmutó nawa kum.

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Kehewà 14:30

Bè yóm kdaw yó, deng lenwà Dwata yó kem tau Israél lem tdok yó kem tau Idyip. Ne ton yó se kem tau Israél yóm deng gotu katay yó kem tau Idyip kemtes kul, tódô le masà bè kilil yóm mohin yó.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Jirimaya 25:5

Yó tendo mon Dwata mò kuy, ‘Knogol ye ne yóm sidek gel lolò ye ne yóm sidek gel nmò ye, anì yó gnô ye ta yóm tonok deng blayu kuy dalang se ebè yó kem tehe fù ye mò hlós nfun ye efet kól bè sónen.

Jirimaya 25:6

Bê ye abay hebut ou ke mlan bè ktaba ye ebè yó kem dwata kéng ye anì là tnafaku kuy.’

Jirimaya 33:26

Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”

Husiya 1:8

Timbow senkó Gumér tmutù Lo-ruhama, bud mlutut ne mngà logi, yó se deng gewu ngaen logi.

Husiya 11:12

Yó udél Dwata, monen, “Deng le tódô gotu slibut do yó kem tau Israél gel mò kéng béléu ne gel smukat do. Ne yó kem tau bè Juda tolo lel le he matù do, yóm Dwata alì mólós ne teneb bélê le.” Là gomongen bè nili yóm tsaptér 12. Yó tulónen bè yóm tsaptér ni yóm bud kbólów. Yóm heftulón Husiya bè nawa le yóm tehe nmò yóm tehe fù le Jakub ekni, hulung smukat se kun. Okóm yóm Jakub, kóyóen ke hol tngónen Dwata ne ke nuyag Dwata. Yó nmoen, heglaan bè Dwata ne hotuhen nawahen mimón du. Kóyô Husiya bè yó kem tau Israél ke hol lolò le yóm tehe nmò yóm tehe fù le Jakub, yóm keheglaanen knóen bè Dwata ne yóm khotuhen nawahen mimón du. Dwata malak ne kemlung yó kem tau Israel efet kól bè kdê lugod le, bede yó balà le du yóm là kimón ne kegsalà ne yóm katù le du.

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

1 Samwél 17:47

Ne gotu tngón le snéen là mlanen bè sudeng ne là mlanen bè buyus yóm kehewà Dwata yó kem tauhen. Bè yóm kesfatay me ni, Dwata mit du ne gotu blayen yu elem hólól me.”