Husiya 1:6 - Udél Dwata: Gna Kesfasad ne Lomi Kesfasad

⁶ Là legenen bè yó bud mlutut Gumér ne mngà libun. Ne yó mon Dwata mò ke Husiya, “Boluyem du Lo-ruhama yóm ngà sut yó abay se là bud knoduhu kul ne yó kem tau Israél ne là se kô hnifótu yó kem salà le.

Husiya 1:6 Iomraidhean Croise

2 Bok Kem Tau Hol Geta 17:20

Duhen yó, tey kekbê Dwata kul yóm kdê sfu tehe Israél. Tnafaken lu, botong blayen lu elem hólól yó kem tau gel mundug kul efet gotu hlanahen lu bè soluhen.

2 Bok Kem Tau Hol Geta 17:6

Bè yóm gesyómen halay mogot benwu Husiya, gled yóm tau hol geta bè Asirya yóm syudad Samarya, ne gotu negefen etu bè Asirya yó kem tau Israél. Suen lu bè Hala, moni bè kilil Él Habor bè Gusan. Lemwót yó kem dumu, suen lu lem blóng yó kem tau bè syudad Midya.

Husiya 1:8

Timbow senkó Gumér tmutù Lo-ruhama, bud mlutut ne mngà logi, yó se deng gewu ngaen logi.

Husiya 2:23

Bè yóm kdaw yó, hol lómón ke huluhu lu yó kem tau Israél ta yóm dou tonok mò hol dou nfun. Yó kem tau tehe bnoluyu ‘Là kenbong nawa’ hol hegfanu bélê le yóm kbong nawahu kul. Ne yó kem tau tehe bnoluyu ‘Là dou tau du’ yó se angat monu mò kul, ‘Yu se kem dou tau.’ Ne yó se kul balà do, mon le, ‘Uu se yóm kum Dwata.’ ”

Husiya 2:4

Ne yó kem ngaen, là kô kenbong nawahu kul abay se hono le kem ngà gu laan, là dou ngà du.

Amus 7:8

Ne snólók Dwata o, monen, “Amus, tedu se tonem?” Bnalau se, monu, “Tuntun.” Omin Dwata bud mon du mò do, “Ngem, nim tuntun ni mò lanu milô yó kem tauhu Israél. Ke là tedengen yóm ktonu kul, angat dohò yóm ktafaku kul.

Amus 9:8

Ou se yóm Dwata hol dandónen geta. Là kô kó matahu du yóm alì kegsalà yó kem tau bè benwu Israél. Yó kmou kul, angat gotu genlau lu. Okóm là sulék genlau kul yó du kem sfu Jakub, yakà deng fasadu du béléen.

1 Pitér 2:10

Tehe yu ekni, là kô ye tau Dwata se kuy, okóm ni kmoen ni, deng ye baling kun tau ne. Tehe là tngón ye du yóm kkoduhen kuy, okóm ni kmoen ni deng tngón ye ne.