Husiya 1:1 - Udél Dwata: Gna Kesfasad ne Lomi Kesfasad

¹ Bè yóm tehe kesetles le mogot yóm benwu Juda le Usaya ne Jutam ne Ahas ne Hisikaya, yó fen mogot yóm benwu Israél duhen Jirubuam ngà Jihuas logi. Bè yó kem halay yó wen htugod Dwata ke Husiya yóm ngà Biri logi.

Husiya 1:1 Iomraidhean Croise

2 Tutul Israél 27:1

Yóm kbut Jutam mogot benwu, deng lewu folò limu ne halayen, ne yó kegenen mogot benwu sfolò nem halay ne bè Jirusalim gónóhen nô. Yó boluy yéen, Jirusa ngà Sadok.

2 Tutul Israél 29:33

Ominen yó kwen yó kem dumu dsù nwit le mò ken le, botong nem latu safì tudu ne tlu libu ubiha.

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Isaya 7:1

Wen sotu tau hol geta bè benwu Juda boluyen Ahas. Yóm Ahas ni ngà yóm tehe Jutam ne témê yóm tehe Usiya. Bè yóm kdaw kogoten benwu, wen lewu benwu slomong mit sgida bélê le. Yó boluy yóm sotu tau hol geta mit sgida bélê le, Risin yóm tau hol geta mogot benwu Sirya ne yóm sotuhen, Pika ngà Rimalya yóm tau hol geta mogot benwu Israél. Yó nmò le na le e nundug Jirusalim bede là kô le gemmò.

Jirimaya 1:2

Bè yóm deng gesfoloen tlu halay kogot Jusaya yóm benwu Juda yóm ngà Amun logi, wen udél htugod Dwata ke Jirimaya.

Jirimaya 1:4

Yó udél Dwata ebéléu mon Jirimaya,

Isikél 1:3

Bè yó bè kilil Él Kibar bè Babilun, wen udél Dwata ebéléu ne tódô gnómu yóm kogot Dwata do, ou Isikél yóm ngà Busi logi yóm Busi gel blóng tau ebè Dwata.

Juwél 1:1

Ni se udél Dwata hlanen bè Juwél yóm ngà Pituél logi, monen,

Amus 1:1

Bè yóm tehe kogot Usiya yóm benwu Juda, yó fen mogot yóm benwu Israél duhen Jirubuam yóm ngà Jihuas logi. Bè yóm kdaw yó, wen hton Dwata ke Amus yóm tau gel semgyok ubiha bè yóm sotu benwu boluyen Tikwa. Yóm hton Dwata du gbak ebè yó kem tau Israél. Yóm kwen htonen du ni, lewu halay he duen gu laanen là deng mbel linol bong bè benwu le.

Juna 1:1

Sotu kdaw, mudél Dwata ebè Juna yóm ngà Amitay logi

Mika 1:1

Bè yóm tehe kesetles le kmamal bè Juda le Jutam ne Ahas ne Hisikaya, wen udél Dwata ebè Mika, yóm tau lemwót bè yóm benwu udì boluyen Murisit. Hton Dwata du yóm angat gefet bè yóm lewu kem syudad Samarya ne Jirusalim.

Sikaraya 1:1

Tikóng bè yóm gwoluhen bulón bè yóm gewuhen halay kogot Daryus yóm benwu Pérsya, wen udél Dwata ebè yóm sotu tugoden boluyen Sikaraya yóm ngà Birikaya témê Idu.

Kun Snulat Jan 10:35

Na,” mon Jisas, “hónô tngón tekuy yóm deng tehe hsulat Dwata, là kô gbek tekuy bud temles du. Ke deng bnoluy Dwata lu dwata yó kem tau tehe hogoten udélen,

Sulat Pol Ebè Yó Kem Tau Hemtahu Bè Rom 9:25

Nim ni koni, deng tehe hsulat Dwata bè yóm sotu tehe tugoden boluyen Husiya, yó monen, “Angat le baling dou tau yó kem tehe là dou tau du. Angat le baling dou tau kenbong nawa yó kem tau tehe là wen nawahu ebélê le.”

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.