Hlolò 23:3 - Udél Dwata: Gna Kesfasad ne Lomi Kesfasad

³ Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.

Hlolò 23:3 Iomraidhean Croise

Kehewà 16:23

Yó mon Musis mò kul, “Yó hloloen kuy yóm sana Dwata hol gónó mogot, haya yóm Kdaw Kehegnô hol hetfing ye ebéléen yóm kdaw yó. Eles tnétê ye kemdaw ni yóm kuy nóyô tnétê ne eles tnógó ye ni yóm kuy nóyô tnógó. Ke wen dù tebel, hol henyu ye mò ken ye haya.”

Kehewà 16:29

Hol bê ye abay klifót, ou se yóm sana Dwata hol gónó ye mogot, deng blayu kuy yóm ghituhen kdaw mò kdaw ye hegnô. Yó gónóhem mon bè yóm gnemen kdaw, hbongu yóm ken blayu kuy anì kóyów bè lewu kdaw. Bè yóm ghituhen kdaw yó, tódô ket tau henek bè kun gónô ne hol béen abay tebel yóm gónóen yó.”

Kehewà 16:30

Tahu se, là kô le mò nmò yó kem tau bè yóm ghituhen kdaw.

Kehewà 34:21

Wen nem kdaw ye mò du yóm kuy nmò. Okóm yóm ghituhen kdaw hol bê ye abay mò nmò, baluen ke bang kdaw ye dmadu duhen ke bang kdaw ye muta.

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Kun Snulat Luk 13:14

Okóm yóm tau hol mogot yóm gónô stifun bè yó, deng mom lembut lan Jisas hkó des bè yóm Kdaw Kehegnô. Yó udélen ebè yó kem tau bè yó, monen, “Igò sem nem kdaw du hol gel kmò tekuy nmò, yó dé tnana kehkó ye des. Béen mom bè yó dum Kdaw Kehegnô.”

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Kul Nmò 15:21

Yakà ni du se yó kem hlau Musis tendo gel senfala le bè ket benwu lemwót bè kbuten efet nim kmoen ni. Tódô ket kestifun le bè Kdaw Kehegnô, sal gel wen tmolok du ni kem hlau monu ni.”

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.