Hlolò 23:2 - Udél Dwata: Gna Kesfasad ne Lomi Kesfasad

² “Hol tulónem yó kem tau Israél, wen mdengen kdaw le hligal stifun tmaba ebéléu. Yó kem kdaw yó, deng néléku mò hetfing le ebéléu. Ne gotu le stifun yóm kdê le kem tau Israél bè yó kem kdaw yó.”

Hlolò 23:2 Iomraidhean Croise

2 Tutul Israél 2:3

Omin Selumun hemwit udél ebè Hiram yóm tau hol geta bè Tayal, monen, “Ke yó dum hyu béléem, henwitem ou koyu sidar, lómón yóm tehe hwitem ebè Dabid yóm mau, bè yóm tehe kehdaen yóm gónô bongen.

2 Tutul Israél 30:5

Duhen yó, heglalag le bè klamang Israél, lenwóten bè Birsiba fi leged efet kól etu bè Dan fi bwak yóm gotu ktinok le yóm kdéen tau anì mógów le ebè Jirusalim na le e hnigal yóm kun Kdaw Khius Dwata yóm Dwata yó kem tau Israél. Bè yó kem halay gnan, là kô deng du ni he kwen yó kem tau hmigal du yóm Kdaw Khius, lómón yóm hloloen kul bè hlau Dwata.

Isra 3:5

Bud nmò le se yó kem dumu gel dsù le ket kdaw dalang se yóm dsù bè yóm kehligal le bè ksut yóm Lomi Bulón. Ne bud nmò le se yó kem dsù bè yóm kehligal gel nmò le sulék sfalay. Ne bud wen se yó kem dumu dsù tódô lemwót bè kul nawa yó kem tau.

Kem Lingón 81:3

Huni ye yóm féw bè yóm gel kehligal ye bè yóm lomi bulón, ne bè yóm bulón tngel.

Kehewà 32:5

Tikóng ton Aron nim nmò le ni, ominen semsodò botu bè solu yóm ngà safì blówón yó mò gónón demsù ne yó heglalagen, monen, “Haya mò tekuy ken mò gónó tekuy dmóyón, yóm sana kum Dwata hol gónó mogot.”

Isaya 33:20

Tenngel ye dé yóm benwu Sayun, yóm syudad gónó tekuy gel mò du yóm kehligal ebè Dwata. Ne tenngel ye yóm benwu Jirusalim, angat tey menek menwu du. Hol lómón ke yóm kamfù là bud nili du. Yó kem htegen, là kô le bud kdut ne yó kem féten là kô le bud hto.

Husiya 2:11

Angat nmou sónen yóm kdê kestifun gel nmoen, yóm gel kehligalen ket halay, yóm gel kehligalen ket bulón bè yóm ksut yóm lomi bulón ne yóm gel kehligalen ket fedyan bè Kdaw Kehegnô kkólen bè yó kem dumu kdawen gel hligal, angat lensónu.

Juwél 1:14

Eles heglalag ye yóm sotu kdaw htólóng ye mò kdaw ye fasting mni bè Dwata. Hol htaba ye yó kem tau anì na ye gotu stifun tmaba ebè Dwata. Nwit ye yó kem tuha gel malak dalang se yóm kdéen tau bè Juda, nwit ye lu elem Gónô Dwata, omin ye hol hkodu mni tóbóng bè yóm sana kuy Dwata hol gónó mogot.

Juwél 2:15

Huni ye yóm féw bong taba tau bè Bulul Sayun. Heglalag ye bélê le yóm sotu kdaw htólóng ye mò kdaw ye fasting mni ebè Dwata. Htaba ye yóm kdéen tau na ye gotu stifun tmaba ebè Dwata.

Hlolò 23:1

Bud wen udél Dwata ebè Musis, monen mò du,

Hlolò 23:21

Bè yóm kdaw yó, hol béen wen tagad mò nmò okóm hol ye stifun tmaba ebè Dwata. Yóm hlolò Dwata kuy yó, angat bud lolò yó kem semfu gu bélê ye balù kihu gónó le nô. Ne laen kô dù sónen yóm klolò le du.

Hlolò 23:37

Ni se yó kem kehligal ebè Dwata tulónu kuy mò gónó ye hegfan du yóm tey kadat ye ke Dwata mlan bè yóm gel kestifun ye tmaba ebéléen ne mlan bè yó kem gel dsù hkekeb ye ebéléen, yóm ken ne halay ne ógóf ne gomong yóm gel ninum ye, hono kem dsù hkekeb ye ebè Dwata bè yó kem kdaw kehmoen du kuy.

Hlolò 23:4

Hol tulónem yó kem tau Israél, wen kem dumu kehligal bud hmou kul okóm hol nmò le bè yóm kdaw kehmou du kul.

Hlolò 23:44

Tahu se, gotu tulón Musis bè kdéen tau Israél yóm kdê hlolò Dwata kul bè yóm kmò kehligal le tmaba ebéléen mò gónó le hegfan yóm kadat le yóm hol kul gónó mogot. Là gomongen bè nili yóm tsaptér 24 kól bè tsaptér 27. Tulónen yóm hlolò Dwata yó kem tau gel blóng ebéléen bè yóm kmò le nmò lem yóm kun Gónô. Bud tulónen yóm hlolò Dwata kul gbak bè yóm tonok yó kem tau Israél anì hol tembas. Tulónen snéen yóm tey któbóng Dwata kul ke nimón le yóm kdê hloloen kul ne yóm kmò ktafaken kul ke snonol le.

Nahum 1:15

Tengel ye dé, wen tau sut gu lem bulul mit tulón hyu. Yó tulónen bud menek kebenwu ye kun. Ó kem tau bè Juda, bud nmò ye dé yó kem dê gel hnigal ye ne dnohò ye yó kem deng fasad ye ke Dwata, abay se yó kem tau Ninibi hmohon kuy yó, là bud nled le du ne benwu ye. Deng le gotu sulék meglà.

Kun Snulat Jan 5:1

Kogolen bè yó, bud lemwót Jisas subô ebè Jirusalim, abay se móyô mung bè yóm sotu mò ken bong yó kem Ju.

Kulasi 2:1

Kóyóu ke hol tngón ye yóm tey khotuhu gelu bélê ye, dalang se bè yó kem tau bè Ludisya, ne yó kem dumu tau là deng tngón le do he.

Kulasi 2:16

Duhen yó, hol bê ye abay hnungol ke dê hlii le kuy bè ken ne bè ninum, ne ke dê hlolò le kuy bè yó kem dumu kdaw, ne bè ksut yóm lomi bulón, ne bè yóm Kdaw Kehegnô.