Hlolò 19:3 - Udél Dwata: Gna Kesfasad ne Lomi Kesfasad

³ Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Hlolò 19:3 Iomraidhean Croise

Tekang Kbuten 48:12

Omin Jusif ma yó kem ngaen nô klohok bukol témê le ne tódô hegdufok ebè tonok bè solu maen.

Nihimaya 9:14

Deng hetfingem bélê le yóm sotu kdaw mò kdaw le hegnô. Ne wen dumu hlauhem kul hlanem bè Musis yóm tau tóbóng lówóhem.

Kehewà 16:29

Hol bê ye abay klifót, ou se yóm sana Dwata hol gónó ye mogot, deng blayu kuy yóm ghituhen kdaw mò kdaw ye hegnô. Yó gónóhem mon bè yóm gnemen kdaw, hbongu yóm ken blayu kuy anì kóyów bè lewu kdaw. Bè yóm ghituhen kdaw yó, tódô ket tau henek bè kun gónô ne hol béen abay tebel yóm gónóen yó.”

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

Kehewà 20:8

Hol hetfing ye yóm Kdaw Kehegnô ne hol béen abay wen nulé ye bè yó kem hlolou kuy bè yóm kdaw yó.

Kem Udél Hlalak Tehe Selumun 1:8

Ó Man, hol hnungolem yóm hlau maem ne hol kenmónem yóm tolok yéem.

Kem Udél Hlalak Tehe Selumun 23:22

Hnungolem udél maem yóm mngà kóm ne ke deng tuha yéem béem nit gnê.

Kem Udél Hlalak Tehe Selumun 30:11

Wen se kem tau tnuled le kem mà le ne là se dóyón le kem yê le.

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Hlolò 19:25

Okóm bè yóm glimuhen halay, hyu ne kken ye kul yó kem bungu koyu ye. Ke hol lolò ye yó kem monu yó angat tey kbungu le yó kem koyu ye. Ou se yóm sana kuy Dwata hol gónó mogot.

Hlolò 19:30

Hol lolò ye yóm hlolou kuy bè Kdaw Kehegnô ne hol nadat ye yóm gónô gónó ye gel tmaba ebéléu. Ou se yóm hol gónó mogot.

Hlolò 19:31

Bê ye abay hmungol hlau bè yó kem tau gel tmaba bè lemogol. Ke nmò ye yóm yó, là buden mólós ktonu kuy. Ou se yóm sana kuy Dwata hol gónó mogot.

Hlolò 19:34

Hol lómón kmò ye kul lómón ke kuy dumu Israél, ne hol kenbong nawa ye lu lómón kbong nawa ye yóm kuy knô. Hol hentulón nawa ye yóm tehe któlóng ye tau bè Idyip se kuy. Ou se yóm sana kuy Dwata hol gónó mogot.

Hlolò 23:3

Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Dwata 27:16

‘Hol tnafak Dwata yóm tau là nadaten ke maen ne yéen.’ Ne kdéen tau gotu hem-el du, mon le, ‘Tahu yó.’

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Hibru 12:9

Bè yó kem mà tekuy te tonok, tey gel kadat tekuy kul baluen ke wen gónó le gel tmedeng tekuy. Mom milud he kadat tekuy du yóm Mà tekuy bè longit anì blayen tekuy yóm klowil laen dù sónen.