Hlolò 16:2 - Udél Dwata: Gna Kesfasad ne Lomi Kesfasad

² “Hol tulónem ke Aron yóm twoguhem, béen tódô óyô husek elem yóm Dfél hol gónóhu nô sentu yóm nes seng ye. Abay se bè yó lemen fita yóm sefeng yóm Slungan Fasad gónóhu hegfan mung bè lobun. Ke là nimónen du yóm monu ni, angat hatay tafaku du.

Hlolò 16:2 Iomraidhean Croise

1 Bok Kem Tau Hol Geta 6:16

Lem yóm Gónô Dwata yó, wen lewu dfélen. Yó boluy yóm sotuhen nô ditu lemen, Dfél hol gónón nô Dwata. Syóm mitru ktahaen, nbeng koyu sidar nbuten bè seel efet kól bè kisamihen.

1 Bok Kem Tau Hol Geta 8:6

Omin yó kem tau gel blóng ebè Dwata mit du ebè Gónô Dwata yóm Slungan Dwata yó, ne ditu hol lem yóm Dfél hol gónón nô Dwata gónó le hemsù du. Sù le laan yóm hafak yóm lewu lenged hógów Dwata deng nmò le, boluyen sirubim.Lemwót yóm ból hafak le, tódô lenimunen yóm Slungan Dwata, ne gomong lenimunen snéen yó kem koyu gónó le tmihang du.

2 Tutul Israél 5:14

Là kô gbek le bud mò du yóm gel nmò le lemen yó kem tau gel blóng ebè Dwata, abay se deng tódô tfeng yóm tey keslinang Dwata lem yóm kun Gónô.

Hlolò 16:13

Bè yóm kkólen ditu lem yóm Dfél gónó Dwata nô, lemwót yóm insinsu nwiten, bulusen lem yóm bala ofi anì hol kmebel. Ne lemwót bè yóm tey kebelen, yó gónón là gfan yóm sefeng yóm Slungan Fasad gónó Dwata mkó yó kem salà le. Ke hol loloen yóm hlolò Dwata du yó, là kóen matay.

Hlolò 16:34

Ni kem hlolò Dwata ni, laen kô dù sónen yóm klolò le du. Yó kem tau Israél, là hyuhen ke là gotu lolò le du yó kem hlolò Dwata kul yó mò mkó salà le. Ket halay le mò du bede olon sulék. Tahu se, gotu nmò Musis yóm kdê hmò Dwata du yó. Là gomongen bè nili yóm tsaptér 17 kól bè tsaptér 18. Yó tulónen yóm nmò hol kenbê Dwata bè yó kem tau Israél anì mólós ktonen kul, duhen yóm là kken le litô ne bê le muget.

Lista 17:10

Mon Dwata mò ke Musis, “Bud hulékem bè solu yóm Slungan Fasad yóm kun tuged Aron. Yó se hlós mò eles gónó le temgama yó kem tau Israél alì smonol do. Song gónó le là matay ke tenflok le yóm alì ktalaw le.”

Matyu 27:51

Uma kóm bè yóm Gónô Dwata, wen tey nes mfól mò seng yóm dfél hetfing le ebè Dwata. Bè yóm kilot nawa Jisas, tódô sen-gengen lómón ke hninggel dnólóhem bè gónón sóól yóm nes yó, lemwót fi ta kól elaan. Ne tódô sen-gengen se mbel tey linol bong, tódô gotu meskang se yó kem botu lembang.

Hibru 6:19

Yóm hendón nefet nawa monu yó koni, hol lómón ke hihol yóm klowil tekuy. Angat dohò kton tekuy du, abay se deng eles nô ditu Jisas bè yóm hol gónóhen nô Dwata. Yó gónón là megewu nawa tekuy mangat du.

Hibru 9:25

Yóm tau hol geta bè yó kem tau gel demsù ebè Dwata bè yó kem Ju, ket halayen husek elem tum Dfél gónóhen nô Dwata. Sal wen litô ógóf nwiten elemen. Okóm ke Krays kun, là ket kiwólen du mò du yóm kun dsù.

Hibru 9:3

Ne yóm gewuhen dfél, yó boluy le du, Dfél gónón nô Dwata. Bede wen tey tilob nes mfól seng bè sóólen.

Hibru 9:5

Bè yóm slungan yó, wen lewu lennged tenwél wen hafak le, sbalà hdà le tahen mò ilô yóm knô Dwata bè yó. Yóm hafak le, tódô gnolungen ta yóm gónó Dwata hmifót salà. Okóm là gket me tmulón du kuy ni kmoen ni kdê yó kem tehe nmò le tu ekni.

Deng Hegfan 15:8

Ne tódô henok kebel lem yóm Gónô Dwata lemwót bè yóm tey kegeta Dwata ne yóm tey kfasangen. Ne laen kô tagad husek elemen ke là dengen gotu yó kem hlayam nit yó kem hitu hógów Dwata.