Hlolò 10:6 - Udél Dwata: Gna Kesfasad ne Lomi Kesfasad

⁶ Ne yó mon Musis mò ke Aron ne yó kem lewu dù ngaen logi le Ilisar ne Itamar, “Hol bê ye abay hegfan yóm klangag ye kul. Hgifat ye semwat ne hol bê ye abay kensê se nes ye. Ke là nimón ye du nim ni, matay ye mekto se kuy ne gomong lenbut Dwata kdéen tau Israél. Okóm kul yó kem dumu ye Israél, là sideken bélê le ke lenangag le yóm katay yó kem logi yó bè yóm ofi hesut Dwata ebélê le.

Hlolò 10:6 Iomraidhean Croise

2 Samwél 24:1

Kogolen bè yó, tey bud kebut Dwata kul yó kem tau Israél, ne hsóhen lu ke Dabid mò lan Dabid hemsidek kul, monen, “Yó ne, gotu nsóhem lu yó kem tau Israél ne kem tau Juda.”

Isra 7:5

Yóm Buki ngà Abiswa. Yóm Abiswa ngà Finihas. Yóm Finihas ngà Ilisar. Yóm Ilisar ngà Aron yóm hol geta bè yó kem tau blóng ebè Dwata.

Kehewà 33:5

Yó gónó le mò du yóm yó, lemwót bè yóm udél Dwata ebélê le hlanen bè Musis, yóm monen, “Tey mgel kulu ye. Ke bude mung kuy baluen ke olon tek likót, ngem kà gotu genlau kuy. Lenkas ye ne yó kem ngom blówón ye efet deng tngónu yóm angat nmou bélê ye.”

Jirimaya 7:29

Ó kem tau Israél hol ye hlangag dé, hetbulud ye mò gónó ye hegfan du yóm klangag ye. Lemanu ye ta yó kem bulul, yakà deng kenbê Dwata kuy, yu kem tau tolo mowil nim kmoen ni. Deng tódô bayaen yu, yu kem tau hebut du.’ ”

Mika 1:16

Yu kem tau bè Juda, nki ye wek ye, lenangag ye yó kem ngà alì kenbong nawa ye. Hetbulud ye lómón klalang yóm onuk gel mken matay, abay se angat negef le lu ebè benwu mayuk yó kem ngà ye.”

Lista 1:53

Bong kul yó kem sfu Libay hol fi bè yóm dou Gónô, gónó le seblà hemdà du yóm kul gónô anì bnentey le, anì laen dù dumu tau hloni edu mò gónóhu tmafak kul yó kem tau Israél.”

Lista 14:6

Ne yó nmò Juswa yóm ngà Nun lewu le Kalib yóm ngà Jifuni, yóm lewu bè yó kem tau hemkana, botong kensê le nes le lemwót bè yóm alì ksidek kegnóm le du.

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Lista 20:25

Yó ne, Musis, nwitem Aron ne yóm ngaen Ilisar eta yóm Bulul Hor.

Dwata 33:9

Deng hegfan le yóm hol kget yóm kegfi le béléem senta yóm kegfi le bè yó kem tuha le ne bè yó kem dumu le setwoli ne bè kem ngà le. Deng gotu nimón le yó kem hlauhem kul ne tey kehteneb le lemolò du yóm deng senfasad ye.

Juswa 7:1

Bè yóm tehe kegbà le yóm syudad Jiriku yó kem tau Israél, deng eles wen hlau Dwata kul yóm là kehyuhen ke wen nwa le bè yóm kimu deng hetfing le ebéléen. Okóm deng mom wen bélê le mulé du. Yó mulé du, yóm sotu tau bélê le boluyen Akan. Yóm Akan ngà Karmi ne témê Sabdi, tau lemwót bè ktol Sira ne lemwót bè kun ból Juda. Lemwót bè nim nmò Akan ni, gónón alì sidek kebut Dwata yó kem tau Israél.

Juswa 7:11

Deng le gemsalà béléu yó kem tau Israél. Deng nulé le yóm deng senfasad me ne deng wen nwa le bè yó kem kimu hetfingu kul mò dou. Deng mom hennagaw le lel le hmalà du ne deng homong henyu le bè yó kem kimu le.