Hlolò 10:3 - Udél Dwata: Gna Kesfasad ne Lomi Kesfasad

³ Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

Hlolò 10:3 Iomraidhean Croise

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Job 2:10

Bnalà Job se, monen, “Kudél libun nungel. Bè yóm klawihen wen hyu blay Dwata kut tey kehmóyô te du. Moen se ke tô te tmalaw ke henwiten tu sidek?” Balù yóm deng tey kwen hlayam Job, ewenem laen kô dù udél sidek btang bè sumóngen.

Kem Lingón 119:120

Botong setbol kkelu lemwót bè klikou kóm, knikou yóm angat kkukumem do.

Kem Lingón 148:14

Tey mbegel kehdaen du yóm kbenwu yó kem kun tau Israél. Yó gónón mò du yóm yó anì kdê le gotu dmóyón du, yakà lu du se yó kem tau gónóhen nô nawahen. Hol gel dóyón tekuy Dwata.

Kem Lingón 39:10

Hol béem abay bud tnafak ou ne. Denge tô matay bè yóm ksuntukem dou.

Kem Lingón 39:9

Tódóe yem bè soluhen, là kóe bud mudél, abay se uu yóm deng tmafak dou.

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Kem Lingón 89:7

Balù yó kem deng genlalem bè yó, gotu wen klikò le kóm. Tey kadat le kóm yóm kdê le.

Kem Lingón 93:5

Yó kem kóm hlau, Dwata, là kóen megetles. Ne yóm kóm Gónô, yó heklóón du, duhen yóm klaen dù belenem laen kô dù tul sónen.

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Kehewà 19:22

Balù yó kem tau gel blóng ebéléu, hol hólós le knô le anì là tnafaku kul.”

Kehewà 19:24

Mon Dwata se, “Budi mosol, nangayem Aron. Okóm yó kem gel blóng ebéléu ne yó kem dumu tau hol bê le nulé yóm blóng deng nmoem ke tô le mneged edini béléu. Ke nulé le tnafaku lu.”

Isaya 49:3

Yó monen mò dou, “Yu kem tau Israél kem tau tóbóng lówóhu, lemwót bélê ye gónó le angat dmóyón do yó kem dumu tau.”

Isaya 52:11

Hol tebel ye ne yóm benwu Babilun, yu kem tau mulék ebè Jirusalim mit yó kem ngom bè Gónô Dwata. Béen wen dumu nogot ye yó kem kenbê Dwata. Hol ye hólós, omin ye yó lemwót.

Lista 16:5

Ominen mudél ebè Kura ne bè yó kem lemolò du, monen, “Hlafus haya hegfan Dwata bélê tekuy yóm tau deng néléken. Yóm tau deng néléken, du se henmóyóen mò mtem insinsu ditu bè soluhen.

Lista 20:12

Okóm nudél Dwata Musis lewu le Aron, monen, “Lemwót bè yóm là hol ksalig ye do ne yóm là kehdilô ye du lem blóng yó kem tau Israél yóm klaen dù belenu, là kô galak ye kul ni kem tau ni etu bè yóm benwu fasadu kul.”

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Kun Snulat Jan 12:28

Okóm ni dii mom monu, ‘Ó Mà, kóyóu ke holi megdóyón béléu.’ Ne tódô wen se mudél gu bè longit, monen, ‘Denge megdóyón béléem ne, ne angate bud megdóyón béléem he.’ ”

Kun Snulat Jan 14:13

Balù kihu hni ye bè Dwata hlan ye bè dou boluy,” monen, “tódô blayu kuy mò gónón megdóyón béléu Mà.

Dwata 32:51

abay se là kô ye gulit yóm lewu ye bè solu yó kem tau Israél. Bè yóm tehe knô ye bè yó kem él bè Miriba yóm él moni bè Kadis, yóm benwu nô lem yóm benwu laen hol wen tauhen boluyen Sin, mom henda ye ou lem blóng yó kem tau.Yó gónóm mon, olohem mton du mayuk kóm yóm tonok blayu yó kem tau Israél, là kói na a gehlós edu.

2 Tisalunika 1:10

bè yóm kdaw kkólen yó. Yó se yóm kdaw hol kegdóyónen bè yó kem kun tau, yóm kdaw hol kadat le du yó kem tau hemtahu. Angat ye gomong se kuy, abay se deng hentahu ye yóm tehe tulón me kuy.

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.

1 Samwél 3:18

Tahu se, gotu tulón Samwél ke Ili yóm kdéen, laen dù bnosen du. Yó mon Ili mò du, “Dwata se yó, nmoen yóm hyu béléen.”

1 Samwél 6:20

Yó udél yó kem tau bè Bit-sémés, mon le, “Tau du se gembek mdà bè solu Dwata yóm Dwata laen kô dù belenen ni? Gónó tekuy tô e hógów du yóm Slungan Dwata anì glayuk bélê tekuy?”