Hibru 1:3 - Udél Dwata: Gna Kesfasad ne Lomi Kesfasad

³ Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

Hibru 1:3 Iomraidhean Croise

1 Tutul Israél 29:11

Uu se, Dwata, yóm hol geta, laen dù là gbekem du. Bud uu se yóm alì knóón, yóm gel gemmò bè kem hmohon kóm. Uu se yóm hol dandónen geta. Yóm kdê nô bè longit ne te tonok hono kóm funen, Dwata. Uu se kmamal yóm klamangen. Bud uu se yóm hol dandónen geta senta yóm kdéen.

Kem Lingón 110:1

Yó udél Dwata bè yóm gónóhu mogot, monen, “Myóni bè ni bè kwananu efet gotu heglaanu lu bè soluhem yó kem hohonem, lómón ke nmou lu mò gónóm hmótól tihem.”

Kem Lingón 75:3

Ke megsinsig tonok, ne gotu le likò yó kem tau, botong le kenkel, ou se hol hbegel du yó kem hehek begel tonok.

Mika 5:4

Bè yóm angat ksut yóm tau mogot benwu yó, tódô mdà lem blóng le, gotu nalaken yó kem kun tau mlan bè yóm kgis lemwót bè Dwata ne mung du yóm tey kegeta boluy yóm kun Dwata yó. Ominen yó kem tau nalaken, balù udì ke wen hemen le abay se tódô lenngeben klamang benwu yóm tey kegetahen.

Matyu 22:24

Wen se kul snólók bè Jisas, mon le, “Ó Sér, tehe gel mon Musis, ke matay yóm logi igò le là deng mngà yóm yehenen, yóm twolihen tmodol béléen bud lemolò yóm kun yehen anì wen ngaen béléen mò kun sfu yóm twoguhen.

Mark 16:19

Kogol yóm kudél Jisas ebélê le, ominen tódô ganag haway etta bè longit, ne myón fi bè kwanan Dwata.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Kun Snulat Jan 1:4

Lemwót bè yóm Udél yó, yó se gónón mowil yóm kdéen mowil. Yóm klowil yó, hol lómón ke layag mò hlayag yóm kdéen tau te tonok.

Kul Nmò 2:33

Ne ni deng tey kehegeta Dwata du, yóm Maen bè longit. Deng hyónen fi bè kwananen, ne deng blayen du yóm tehe fasaden béléen, duhen yóm kun Tulus. Ne tódô bud heflós Jisas ebélê me se kum yóm Tulus Dwata yó, duhen ni sem deng ton ye bélê me ni, ne deng gungol ye.

Kul Nmò 7:56

Mon Stéfén mò kul, “Tenngel ye dé. Tódô hnas longit. Tu dé yóm Ngà Tau mdà bè kwanan Dwata.”

Sulat Pol Ebè Yó Kem Tau Hemtahu Bè Rom 1:16

Nim Tulón Hyu gel nwitu ni, laen kô bang gónóhu myak heglalag du. Kaem bè yó se gónón gfan yóm kfasang Dwata lemwà kdéen tau gu lem hatay ke hemtahu le bè Jisas, lemwót bè yó kem tau Ju kkólen bè yó kem tau là Ju le.

Sulat Pol Ebè Yó Kem Tau Hemtahu Bè Rom 8:34

Ne laen se dù tau gembek bud tmuled kul. Tek són Krays Jisas, okóm deng mom du yóm fen matay bélê tekuy ne deng bud hlowil Dwata, hyónen bè kwananen. Ne du mò fen blóng tekuy ebéléen nim kmoen ni.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Kulasi 3:1

Deng homong Dwata tekuy ne bè yóm tehe kehlowilen ke Krays gu lem hatay. Yó gónóm mon, yake hol hendem tekuy dé yó kem gel nô bè longit. Bè yó se hol gónóhen nô Krays, deng myón fi bè kwanan Dwata.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Hibru 1:13

Balù sotu bè yó kem gel hógów Dwata ke deng gónón e mon du, “Myóni bè ni fi bè kwananu. Angat ndau lu elaan he yó kem hmohon kóm.”

Hibru 10:12

Okóm ke Krays, tek suléken demsù klowilen mò hkó salà yó kem tau, ne wen ktueden yóm dsuen yó efet kól bè hol sónen. Ne kogol yóm kedsuen, ominen tódô myón fi bè kwanan Dwata,

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Hibru 4:14

Duhen yó, hol hbegel tekuy yóm kehtahu tekuy. Yakà wen yóm tey hyu fen semblóng tekuy ebè Dwata, deng gna kól ditu ne bè soluhen. Du se Jisas, yóm Ngà Dwata.

Hibru 7:27

Là kóen na a mkél bè yó kem dumu tau tehe gel blóng le ebè Dwata. Ke bélê le kul, sal gel wen dsù le ket kdaw. Tanay gónó le gel demsù bè yóm kul salà, omin le tmodol demsù bè salà yó kem dumu tau. Okóm là ke Jisas kun. Tek suléken demsù, bede yó dsuen, kun lówó. Yóm kun kedsù yó, laen kô bud seefen.

Hibru 8:1

Yó hol bótóngen yóm deng tulón me kuy ni koni, deng wen yóm tau hol tahu gulit mò blóng tekuy ebè Dwata. Ne ni deng myón fi bè kwanan Dwata, yóm hol geta bè longit.

Hibru 9:16

Bè adat tau tonok, gu laanen là deng mlef yóm tau, sal gel eles snulaten yóm kmò kólólen du bè kem dumuhen yó kem kimuhen. Okóm yó he kessólól le du yóm kimuhen yó ke deng tógó se kton kem tau du yóm katayen.

Hibru 9:26

Ke lómón yó nmoen, deng kem dê duléken ne dilóu glayam matay lemwót bè hol kbut benwu. Bede là. Tek suléken hbaling tau bè yóm kdaw deng moni bè yóm hol són benwu, ne laen dù bud seefen du ne yóm yó. Yó gónóhen sut anì nan e dsù klowilen mò hkó salà kdéen tau.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

1 Pitér 3:22

Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.

2 Pitér 1:16

Yóm gel tulón me kuy lemwót bè yóm tey kfasang yóm gónó tekuy mogot Jisas Krays ne yóm angat bud kesfuléken edini, là kô lenbù tutul du. Kaem deng hyu ton me se kum yóm tey kehegeta Dwata du.

2 Pitér 1:17

Tehe me nô béléen bè yó bè yóm tehe kdóyón Dwata du, yóm Maen, ne yóm tey kehegetahen du. Tódô gungol me udél Dwata, yóm hol geta bè kdéen. Yó monen, “Ni se Ngau hol gónóhen nô nawahu. Bong hyu nawahu du.”

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

Sulat Jud 1:25

Yó gónóm mon, bê tekuy nmò sónen yóm tendo kdóyón tekuy ke Dwata. Sónen du se tahu Dwata. Deng hewaen tekuy gu lem hatay hlanen bè yóm gónó tekuy mogot Jisas Krays. Du se yóm hol dandónen geta, yóm kmamal yóm klamangen. Tek són du yóm hol mfasang bè kdéen, ne yóm alì wen kwalisen. Sana kem gnô kun ne ni kem ni hnikót là deng dlimunen du he yóm benwu, ne laen kô tul konolen efet nim kmoen ni, ne laen kô tul sónen snéen.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”