Hbakuk 1:4 - Udél Dwata: Gna Kesfasad ne Lomi Kesfasad

⁴ Là buden mget yóm udin me ne laen dù bud muhen. Là bud tonem du ne yóm kukum tedeng. Laen dù bud gmò yó kem tau mit du yóm tedeng, bà mon yóm tey kekgis yó kem tau mò sidek. Yó gónóm mon, là tedengen yóm kkukum le.

Hbakuk 1:4 Iomraidhean Croise

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

Kem Lingón 11:3

Ke deng gbà yóm udin lem benwu mò hembegel du, tedu se gmò yóm tau tedeng kmoen?

Kem Lingón 119:126

Ni se yóm kdaw ktafakem kul, Dwata, abay se deng gotu nulé le yó kem hlauhem yó kem tau gel mò sidek.

Kem Lingón 22:12

Deng snibut le ou yó kem hmohon dou, hol lómón ke safì le tudu. Gotu snibut le ou, hol lómón ke safì le tudu alì lóbô lemwót bè benwu Basan.

Kem Lingón 22:16

Gotu senibut le ou yó kem tau mò sidek. Lómón ke slomong tey dê ohu lóbô, gotu le hloni ebéléu. Gotu nsék le sigelu ne tihu.

Kem Lingón 59:2

Hewaem ou bè yó kem tau gel mò sidek, bè yó kem tau gel monok.

Kem Lingón 59:4

Balù yóm klaen dù salau, deng sana nitung le khatay le dou. Hetngóni kut, Dwata, ne tnóbóngem ou. Tenngelem dé yóm tey keglayamu.

Kem Lingón 94:3

Kmò kegenen de, Dwata? Kmò kegenen de yóm alì kehegmón le yó kem tau gel mò sidek?

Isaya 59:12

Ó Dwata, deng tey wen ne yóm salà me béléem. Yó kem sidek deng nmò me yó, yó se fen kmamo kum béléem. Deng gotu dilô me ne yó kem salà me.

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Jirimaya 26:8

Okóm tikóng deng ktulón Jirimaya du yóm kdê htugod Dwata du, lemwót yó kem tau gel blóng ebè Dwata ne yó kem tugod Dwata ne kdê yó kem dumu tau nô bè yó tódô kenfô le Jirimaya, omin le hetê, mon le, “Hnatay tekuy.

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Amus 5:7

Nawaw yu kem tau kmukum, deng mom henbaling ye héét yóm kukum tedeng, là kô ndà ye du yóm kul ktahu yó kem dumu ye tau.

Mark 7:9

Bud mon Jisas, “Tey ye hulung kembê du yóm hlau Dwata, alì mlom klolò ye du yóm kuy hlau lenbù nmò.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Kul Nmò 7:59

Yóm igò le semtudà ke Stéfén botu, tmaba ebè Jisas, monen, “Ó Jisas yóm dou gónó mogot, hogotu kóm ne klowilu.”

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.