Hbakuk 1:3 - Udél Dwata: Gna Kesfasad ne Lomi Kesfasad

³ Moen de ke alì htonem do ni kem sidek gel nmò le ni, lel yóm tey keglayam yó kem tau hensidek le? Kihu gónów e temngel són yó kem deng gebà tonu ne són yó kem tau alì hemsidek dumu tau. Deng tódô slibut do yó kem tau tendo segled ne kem tau tendo sfatay.

Hbakuk 1:3 Iomraidhean Croise

Isaya 46:12

Hol hnungol ye ou yu kem tau mgel kulu. Ofo kuy ke tolo mima he yóm kegmò ye bè yó kem hohon ye.

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Jirimaya 15:10

Yó udél Jirimaya, monen, “Tey tau laen dù kligalen nim ou. Moen de, Yê, ke tehe hesutem ou lem nim benwu ni? Tey kekbê le dou yó kem tau bè klamangen benwu me. Là kóe deng mutóng filak se dou ne là se kóe deng hutóng. Okóm moen se ni du ke deng mom hnagi le ou yó kem tau?”

Jirimaya 20:18

Moen de ke tehehe sut? Yóm klawihu mowil laen kô dù gónón menek, senflósen wen gónóhu langag ne wen gónóhu myak.” Là gomongen bè nili yóm tsaptér 21. Yó tulónen bè nim tsaptér ni yóm kdók Sidikaya tau ebè Jirimaya anì hol mni tóbóng bè Dwata bélê le anì là henlós genbà Nibukadnisar du yóm syudad le, blaem deng snibut le lu. Okóm yó balà Dwata kul, là kô tnóbóngen kul. Mom hegefen Sidikaya mung du yó kem genlalen ne gotu ntem yó kem hohon le yóm syudad Jirusalim.

Jirimaya 20:8

Ke wen tulónu, sal gel hgelem udélu ne són yó tulónu, ‘Angat wen tey gemlà kuy.’ Lemwót bè yóm htulónem do yó, deng mom senflowon le ou ne sendekà le ou.

Isikél 2:6

Béléem kóm, Tau Tonok, hol béi abay hlikò bélê le. Béem knikò yó kem dê gel udél le, baluen ke lómón ktelemen yó kem sual ne lómón kdesen ékét syufón. Béem abay knikò yóm gel ketngel le des, abay se hono le tau là mimón yóm kdê le.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

2 Pitér 2:8

Tódô nô lem blóng le Lat, bede ket kdawen tey gel blat nawahen bè yóm sidek gel tonen ne yóm gel gungolen.