Mateo 4:8 - Tagbanwa Calamian

⁸ Utru si, dayun dang ingkelan ni Satanas duun tung bukid ang durug abwat. Ipinaita na tung anya yang tanan ang inadian tung bilug ang kaliw̱utan pati yang katitinlu nira.

Mateo 4:8 Iomraidhean Croise

Mateo 16:26

Ay kipurki unu pa pay ikaayen yang sasang tau ang yang tanan ang nag̱alelyag̱an na taa tung kaliw̱utan ang naa luw̱us dang mag̱apakinaw̱angan na ang pagkatapus asan da nga plekay ta ultimung pagpangabuing magnatis ang asta tung sampa? Anda ra enged ang pisan! Unu pa pay sarang ang mabailu na ang para bawien na pa rin yang ultimung pagpangabuing atiang naplek tung anya? Anda ra enged ay maimu na!

Mateo 4:5

Pagkatapus tia, ti Jesus ingkelan da ni Satanas duun tung Jerusalem ang yay pag̱aningen ta mga tau ang siudad ang sagradu. Duun eklay na tung sagpaw enged yang pagtuuan tung Dios ang atiang pinakalusu.

Juan 5:20

Ay kipurki nag̱agegmaanaw anya. Purisu ya ray nag̱ipagpaita na tung yeen yang tanan ang pag̱abuat nang para ya kay buatenu. May mas pa nganing ang ipaita na tung yeen ang para buatenu ug̱ud yamu ray mabereng.

1 Pedro 1:24

Yang palaksu yang bitala na katulad ka tung sasang sinambit tung kasulatan ang mag̱aning, “Yang tanan ang mga tau magkapariu ka ilem tung ilamunun, Ig yang kadengeg̱an nira magkapariu ka ilem tung talay ta ilamunun. Pag nanlumpayeng da ngani yang ilamunun, Yang talay na magkarataktak da ilem. Piru yang bitala ni Yawi dumayun ang asta tung sampa,” ag̱aaning.

Ipinag̱ubligar 11:15

Taa numanyan yang pangyapitung angil, ya si ay nag̱eyep yang budyung na. Pagkatapus may mga busis duun tung langit ang durug katutunul ang namagbitala ang mag̱aning, “Talagang kaw̱utun da ka enged yang uras ang anda ray dumang may gaem tung bilug ang kaliw̱utan, kung indi, ya ra yang Dios mismung pangag̱alenan ta durua yang pag̱aningen ang Cristong pinilik nang magpapanaw tung paggaraemen nang baklu. Yay mamaggaraemen ang asta tung sampang anda enged ang pisan ay katapus-tapusan na,” mag̱aning.