Mateo 26:41 - Tagbanwa Calamian41 Magpulawamu ra ta ustung mag̱ampu ug̱ud indiamu ra madeeg̱an ta tuksu. Tung bag̱ay nag̱askeanu ang durung gustu ming manguntiel tung tuksu, piru nusias ilem dereeg̱enamu pa yang kaluluw̱ayen mi,” mag̱aning. Faic an caibideil |
Mateo 26:41
34 Iomraidhean Croise
Numanyan pagkatapus yang pananglit ang atia, dayun dang sinugpatan ni Jesus yang bitala nang mag̱aning, “Purisu ya ra ka man taang nag̱ipag̱aningu tung numyu ang dapat riparasiunamu ra kang pirmi tung paglekatu. Ay indi mi ka man nag̱akdekan kung unu pang kaldaway ubin kung unu pang urasay yang ipaglekatu,” mag̱aning.
Dispuis, patawarayami ka, tung mga kasalanan ang nagkarabuat yamen tung nuyu ay natetenged ta yami nag̱apatawad da ka yamen yang kumpurming pagbuat ta kasalanan tung yamen. Indiami ka ilug̱ut mu tung mga maliliwag ang sukda ang muya indi masarangan yamen.’ Tung maning tiang palaksu ipausuyay mi yang pag̱arampuen mi tung Dios,” mag̱aning.
Purisu pirmiamu rang riparasiun ang nunut da ka ta pag̱arampuen mi tung Dios ang paktelenamu ra enged anya ug̱ud kayanan ming agwantaen yang tanan ang mga bag̱ay ang atiang magkarainabu ang indiamu ka enged mamalpas tung yeen. Ay kung maagwantaan mi ra tia, anda ray ikaeyak ming manalunga tung yeen ang yuu ka man yang pag̱aningen ang Maninga Tau,” mag̱aning.
Yang linegdangan yang tanek ang atiang manipis ang may batung manipis ang natampek, ya ra yang duma ang kung mapamatian da nganing nira yang bitala yang Dios, magpauyun dang lag̱i ang duru rag sadya yang isip nira. Piru kumus indi nalamut ta ustu tung mga kinaisipan nira, indi ilem mabuay yang pagparanangeren nira. Ay kung mapasaran da nganing ta tuksu, mamalpas da ka ilem.
Indiita ra ka enged mapuklut tung pagkeremkemen tung yaten yang kalelyag̱an tang atia ekel tung pagturumanen ta yang mga katuw̱ulan yang Dios ay natetenged masyaduitag kaluw̱ay ang magtuman. Piru yang indi ta kinayanan, kinayanan da yang Dios. Ipinangay na ra taa tung kaliw̱utan yang pag̱aningen nang Ana Nang sadili ang may pagkatau nang pariu tung pagkatau ta puira pa tung pagkamakinasalananen ta. Ya ray binuat na ug̱ud yay mapasapul tung sintinsia nang dapat da rin ang dumangat tung yaten natetenged tung mga kasalanan ta. Ekel tung pagsintinsia yang Dios tung anyang atia, asan da nga pakapasay na ta puirsa yang kalelyag̱an tang magpakasalak.
Yang dapat ang demdemen mi asan, anday sukda ubin tuksu ang suminampi tung numyu ang indi ya kang lag̱i ay pagpasar tung mga masigkatau mi. Yadwa pa, yang Dios talagang yay matalig̱an ming indiamu ilug̱ut nang masampetan ta sukda ubin tuksu ang yang ketel na subra tung masarangan ming mapanguntielan, kung indi, kung masampetanamu ra nganing, atiang lag̱i paktelenamu ra ka anyang manguntiel ug̱ud asanamu ra nga puklut tung tuksu.
Bilang bilug ang pisan tung isipu yang pag̱urusuyunu tung kalelyag̱an ni Ginuu ta. Ya ra nganing ay nag̱ipagbatuku ta mupia tung sadiliung nag̱aigpitan ang para maeklanu tung pulus magkatama tung pagteleng na, ay tung pangamanu ka man ang yuung nagturuldukanen tung duma kung ya pa ag̱aring marisibi nira yang maning pa tung primyung naang nag̱ianingu, muya yuu pay mapisanan.
Dispuis kumpurming tinu pay pagkinapulitay ni Jesu-Cristo, pinangindian da nirang tinalyuran yang dating pagkatau nira pati yang dating mga kalelyag̱an nira ang kung kaisan anda ray teregkaan. Kung duun ipananglitayu tung ni Jesu-Cristong ilinansang tung krus, maning pa tung ipinaumid da nira tung anyang ilinansang.
Tung pagpasangkap mi tung tanan ang atiang nag̱ipasangkap yang Dios tung numyu, eklan mi tung pag̱arampuen mi ang yamug pagpataw̱ang enged ang pirmi tung Dios. Maskin unu pay mapanawan mi, luw̱us dang ipag̱ampu mi tung anyang kumpurming unu pay ipaisip yang Espiritu Santo tung numyung ipag̱ampu. Ya ra ka nganing ay ipagpaabtik ming ipagpaderep tung pag̱arampuen mi ang indiamu enged magpaluw̱ay. Pati yang kadaklan ang mga kaarumanan ming mga tumatalig, indi mi enged paglipatan ang ipag̱ampu ang parariuamu ka man ang binuat yang Dios ang mga tauan nang sadili.
Alenget da ilem yang uras ang pagtapusan da yang tanan ang pagkarainabu taa tung kaliw̱utan ang naa. Purisu kaministiran ang pirmi tung magkatama yang palaksu yang pag̱irisipen mi ang nunut da ka ta pagsuspindi mi tung mga sadili mi ug̱ud mapag̱ampuamu ra ta ustu tung Dios ang bilug tung mga isip mi.
Pirmiamu ra kang magsuspindi tung mga kalelyag̱an ming sadili ang nunut da ka ta pagpaabtik ming pagbantay ay yang kuntrariu ming ti Satanas pagdilem da ta sasang tumatalig ang para diaduen na yang pagtaralig̱en na. Katulad ang pisan tung sasang liun ang pagngereb ang pagpatiw̱ay-tiw̱ay ang pagdilem ta matekeb nang baktaen.
Intunsis asan da ngaintindiay ta ang yang Dios talagang nag̱askeng maglibri tung mga taung kumpurming bilug yang mga isip nira tung kalelyag̱an na, maskin unu pag liwag yang mga pagsubuk ang magkakaw̱ut tung anya. Ig yang kumpurming may mga buat-buat nang mga malalain, nag̱aske kang magsilut tung nira, mintras nag̱ielat na tung uras ang ipagsintinsia nang pangultimu.
Numanyan yang pinagpasagpunan yang mga dimunyu tung mga ading atia, ya ra yang banwang paggug̱uuyan ang Armagedon tung bitalang Hinebreo. Numanyan ti Jesus inali rang suminaleet ang nagpabantay tung yaten ang mga tauan na ang mag̱aning, “Kung maglekataw ra nganing, maning pa tung panaw ta sasang takawan ang masapuan da ilem, nainabu ra. Yang taung pasadyaen enged yang Dios ya ra yang taung pirming riparasiun tung ipaglekatu ug̱ud indi ra maseka. Muya manularamu tung sasang sundalung indi ra nagsimpan ta aw̱el nang masuut na kung manuyu ra nganing tung labanan. Kung liamaren da nganing ta inali, anday duma, magpanaw ra ilem ta luas ang ya ray maeyakan na tung mga kaarumanan nang nangariparasiun dang lag̱i,” ag̱aaning.
Natetenged tinuman mi yang itinuw̱ulu tung numyung mag̱agwanta tung mga kaliwag̱an, purisu ta yeen, dipindiranamu ra yeen tung uras ang ipagkaw̱ut yang mga kaliwag̱an ang durug lebat tung bilug ang kaliw̱utan ang ya ray ipag̱ingaw̱us yang Dios tung mga taung pamagtinir tung kaliw̱utan ang kumpurming pagpasuag tung kalelyag̱an na.
Sanasan