Mateo 15:8 - Tagbanwa Calamian

⁸ ‘Yang mga taung naa, yang paggaralangen nira tung yeen, tung tumbung ka ilem yang mga dilak nira, ig yang rumbu yang mga isip nira alawid ang pisan tung yeen.

Mateo 15:8 Iomraidhean Croise

Mga Binuat-buatan 8:21

Anda enged ang pisan ay kalalabten mu tung bitalang naang nag̱ipagpakaw̱ut yamen ay sipurki belag̱an tama yang nag̱abtang tung kinaisipan mu tung pagterelengen yang Dios.

1 Pedro 3:10

Talagang impurtanting usuyun mi yang mga ug̱aling mga maning tia ay kipurki may sasang bitala yang Dios ang napabtang tung kasulatan ang maning kang pisan tia yang rumbu na. Mag̱aning, “Kung tinu pay nag̱alelyag ang magpakasadya taa tung kaliw̱utan Ang pagkatapus gustu na kang magtinlu yang pagkabetang na, Tay puis yang nganga na suspindien na tung pagbiw̱italaen na yang mga malalain Ig indi ra ka magbukli. Kaministiran kang panalyuran na ra yang tanan ang pagburuaten nang malalain ang para magbuat da ta matitinlu. Yang paawatan na enged ang sikaren, ang mag̱uruyunan tanira yang mga kaarumanan na tung matinlu. Kipurki yang nag̱abantayan yang Dios ta mupiang ag̱asikasuen, ya ra yang mga taung pagbuat yang magkatama. Pirmi na kang agpamatien yang pag̱arampuen nira tung anya. Piru kung tinu pay pagbuat ta malalain, ya ray kuntraen na,” mag̱aning.

Mga Hebreo 3:12

Kapurisu mga putulu, kumus maning da ka man tia yang nainabu tung nira, mangamanamu ra ta mupia, nusias may asan tung numyung maeyangan da ka ta isip nang durug ka sayud ang magdiskumpiar da ka enged natetenged tung Baklung Ipinagpakigpaig̱ung naang pinagtukud ni Ginuung Jesus ang asta muya manalyud da dayun tung Dios mismu ang yay makagag̱aem.

Juan 1:47

Taa, simanyan, pagkaita ni Jesus tung ni Natanael ang pagpalenget da tung anya, ya ra ag̱aningay na, “Atia ka man ta taung bag̱ay ang pisan ang aningen ang kinasakpan yang nasyun tang naang Israel. Indi maskeng mag̱egtem kung unu pay nabtang tung isip na.”

Mateo 15:7

Abaa, yamung pagpakaayen-ayen ka ilem, temeng dang pisan tung numyu yang sasang bitala yang Dios ang ipinagpadapat ni Isaias ang tukaw ang mag̱aning,

Marcos 7:6

Mag̱aning ti Jesus ang nagtimales, “Abaa, temeng dang pisan tung numyung pagpakaayen-ayen ilem yang sasang bitala yang Dios ang ipinagpadapat ni Isaias ang tukaw ang mag̱aning, ‘Yang mga taung naa, yang paggaralangen nira tung yeen tung tumbung ka ilem yang mga dilak nira ang pagkatapus yang rumbu yang mga isip nira alawid ang pisan tung yeen.

Juan 5:23

Ay yang ipinagpiar na tung yeen tia, ay ug̱ud yang tanan ang mga tau mamagpadengeg tung yeen ang pag̱aningen nang Ana Na ang kumpurmi yang pagpadengeg nira tung anyang pag̱aningenung Amaw. Purisu, kung tinu pay indi magpadengeg tung yeen ang pag̱aningen nang Ana Na, indi na kag padengeg̱an ti Amang nagtuw̱ul tung yeen.